०४ मंसिर २०८३, बिहिबार
19-11-2026 , Thu
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

दमकका निजी अस्पतालले दिदैनन् विपन्नलाई नियमअनुसार छुट सुविधा

Logo
विष्णु पाैडेल

दमक
दमकमा सञ्चालित निजी अस्पताल तथा स्वास्थ्य संस्थाहरुले अस्पतालमा उपचार सेवाका लागि राज्यद्धारा निर्धारित न्यूनतम मापदण्ड तथा शर्तहरु पालना गरेका छैनन् । स्वास्थ्य जस्तो संवेदनशील संस्थामा रहेको फितलो व्यवस्थापनलाई सुधार्न नियमनकारी निकायले कुनै कदम नचल्दा अस्पतालहरुमा मनपरी प्रवृत्ती मौलाएको छ ।
२०७४ कार्तिक २२ को मन्त्रीस्तरीय निर्णयानुसार स्वीकृत अस्पताल सञ्चालन मापदण्डको उल्लंघन रोक्नुपर्ने स्थानीय सरकारले समेत अनदेखा गरिरहेको छ ।

स्वास्थ्य संस्थाहरुको दर्ता, अनुमति तथा नविकरण सम्बन्धी निर्देशिका २०७४ अनुसार स्थानीय तहमा स्वास्थ्य संस्था सञ्चालनका लागि विभिन्न मापदण्ड तथा शर्तहरु तोकिएको भएपनि यहाँ चलिरहेका स्वास्थ्य संस्थाहरुले त्यसको पालना गरेका छैनन । निर्देशिकामा उल्लेख भए बमोजिम १० प्रतिशत शैया विपन्न, असहायहरुलाई उपलब्ध गराएर उपचार सेवाको अभिलेख राख्नु पर्ने र सोको प्रतिवेदन सम्बन्धित पालिकाको कार्यालयमा नियमित रुपमा पठाउनुपर्ने व्यवस्था छ । तर यहाँका अस्पतालहरुले गरीब , असहायहरुको उपचारका लागि कुनैपनि शैया आरक्षित गरेका छैनन । ति अस्पतालहरुले अहिले सम्म आरक्षण गरिएको बेडमा राखेर सेवा प्रदान गरेको कुनै तथ्याङक पालिकामा पेश गरेका छैनन् । त्यस्ता संस्थाहरुको नविकरणका लागि स्थानीय तहले सिफारिस गर्दा तोकिएका मापदण्ड पालना नगरेको बिषयलाई नजरअन्दाज गर्ने गरेको छ ।

त्यस्तै अस्पतालहरुमा ज्येष्ठ नागरिकहरुलाई विशेष किसिमका सुविधाका व्यवस्था हुन पर्ने र आवश्यक मात्रामा शैया छुटयाउनु पर्नेमा यहाँका निजी अस्पतालहरुले त्यसको पालना गरेका छैनन् । अस्पतालले परि आउन सक्ने विपद् व्यवस्थापनको कार्ययोजना बनाएको हुनु पर्ने र सो कार्यका लागि सम्पर्क व्यक्ति तोकेर सोको जानकारी सम्बन्धित पालिकाको कार्यालय र जिल्ला समन्वय समितिमा दिनुपर्ने पनि निर्देशिकामा उल्लेख छ ।

त्यस्तै अस्पतालमा प्रति पच्चीस शैयाका लागि एक जना एम.डी.जी.पी. चिकित्सक हुनुपर्नेछ तर एम.डी.जी.पी. चिकित्सक नपाईने अवस्थामा पच्चीस शैयाका अस्पतालमा प्रसुती तथा स्त्री रोग विशेषज्ञ र बाल रोग विशेषज्ञ हुनुपर्नेमा त्यसको समेत पालना गरेका छैनन् । शल्यक्रिया प्रदान गर्ने कक्षमा प्रति शैया कम्तीमा एक जना शल्यचिकित्सक, एक जना एनेस्थेटिक्स, एक जना ईन्चार्ज, एक जना शल्यक्रिया सहायक र एक जना नर्स , जनरल कक्षमा प्रति चार देखि छ शैयामा एक जना स्टाफ नर्सको व्यवस्था गरिनु पर्ने , ईमर्जेन्सी तथा पोष्ट अपरेटिभ कक्षमा प्रति दुई शैयामा एक जना नर्स , सघन उपचार कक्ष, आई.सी.यू. , एन.आई.सी.यू, सी.सी.यू. आदिमा प्रति शैयामा एक जना स्टाफ नर्सको व्यवस्था हुनुपर्ने पनि तोकेको छ ।

त्यस्तै प्रसुती कक्षका लेवर वेडमा प्रति वेड दुई एस.वी.ए., तालिम प्राप्त नर्स वा मीडवाईफ्रीको व्यवस्था हुनुपर्ने हाे र अस्पतालमा कम्तीमा एक जना मेडिकल रेर्कडर , चौबीसै घण्टा सेवा उपलब्ध गराउने गरी फर्मासिष्ट लगायत आवश्यक संख्यामा जनशक्तिका व्यवस्था गरिएको हुनुपर्नेमा अधिकांशले काम चलाउ जनशक्तिका भरमा अस्पताल चलाउँदा यहाँको सेवा जोखिमयुक्त बनेको पाइन्छ । अस्पतालमा कम्तीमा दुई तिहाइ पूर्णकालीन स्वास्थ्यकर्मी हुनुपर्नेमा एक तिहाई पनि स्वास्थ्यकर्मी पूर्णकालिन राखेको पाइँदैन ।
दमकमा हाल निजी अस्पतालका रुपमा ५० शैयाको स्वीकृति लिएर सञ्चालनमा रहेको एक मात्र निजी अस्पतालका रुपमा लाइफलाइन अस्पताल रहेको छ भने १०० शैयाको अनुमति प्राप्त सामुदायिक तथा गैह्रसरकारी स्वामित्वको अस्पताल आम्दा अस्पताल हो । यहाँ ऊँ मेची अस्पतालल, एडभान्स , निम्स नेशनल , दमक हस्पिटल एण्ड रिसर्च सेन्टर र नमस्ते पब्लिक हस्पिटल पनि सञ्चालनमा छन् । भर्खरै सन्चालनमा आएको दमक सौर्य अस्पताल हो । सौर्य अस्पतालले १५ बेडको अनुमति पाएको दाबी गरे पनि नगरपालिका स्रोतले सो अस्पताल संचालन अनुमती लगायतका सबै प्रक्रिया पूरा नगरेको बताएकाे छ ।
दमकमा सरकारी अस्पतालको रुपमा रहेको दमक अस्पताल अहिले १५ बेडको अस्पातलका रुपमा छ ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]