दिनेश खड्का
पुष १२,रुकुम
सरकारबाट प्रतिबन्दित दल नेकपाका कार्यकर्ताले रुकुम पश्चिमको चौरजहारी नगरपालिकाका एक वडाध्यक्षलाई कालोमोसो दलेका छन् । चौरजहारी नगरपालिका–३ का अध्यक्ष लालबहादुर बुढाथोकीलाई नेत्र विक्रम चन्द ‘विप्लव’ समूहले कालोमोसो दलेका हुन् ।
शनिबार बिहान उनलाई कालोमोसो दलेको प्रहरीले जानकारी दिएको छ । जनप्रतिनिधि भएर जनताको काम नगरेको भन्दै कालोमोसो दलेको विप्लवनिकट युवा संगठनले विज्ञप्ति मार्फत जिम्मा लिएको छ।
घटनाको विषयमा अनुसन्धान भइरहेको र संलग्न व्यक्तिको खोजी जारी रहेको जिल्ला प्रहरी कार्यालय रुकुम पश्चिमका प्रमुख प्रहरी नायव उपरीक्षक सुमित खड्काले जानकारी दिए । ‘वडाध्यक्षलाई कालोमोसो दलेको जानकारी आएको छ,’ उनले भने, ‘तर घटनामा संलग्न रहेका एक जनालाई हामीले पक्राउ गरेका छौं।’
प्रहरीले पक्राउ परेकाको विवरण सार्वजनिक गरेको छैन् ।
