विराटनगर, माघ १६
पार्टी भित्र–बाहीर गलत क्रियाकलाप गर्ने मोरङका ३८ काग्रेसीलाई नेपाली काग्रेसको केन्द्रिय समितिले कारवाही गर्ने भएको छ । निर्वाचन ताका पार्टीका उम्मेदवारलाई असहयोग गरेको, पार्टी नेतृत्वको आलोचना गरेको र विधान विपरीत गतिविधि गरेको भन्दै केन्द्रिय समतिले उनीहरुलाई स्पष्टिकरण समेत सोधेको छ । स्पष्टिकरणको चित्तबुझ्दो लिखित जवाफ नआए पार्टिले उनी माथि कारवाही प्रक्रिया अघि बढाउने बताइएको छ ।
स्पष्टिकरण सोधिएकामा सांसद, नेता तथा कार्यकर्ता परेका छन् ।
नेपाली काग्रेसका राष्ट्रिय सभा सांसद रमेशजंग रायमाझीलाई विराटनगरमा जिल्ला पार्टि कार्यलय रहदा रहदै मोरङको बाँसबारीमा आर्को सम्र्पक कार्यालय खोलेको विषयमा स्पष्टिकरण सोधिएको छ ।
त्यसैगरी नेपाली कांग्रेसका प्रदेश नं १ का प्रमुख सचेतक केदार कार्कीलाई पनि स्पष्टिकरण सोधिएको छ । कार्कीले एक टिभी अन्तर्वार्तामा काग्रेस सभापति शेरबहादुर देउवाले पैसा खाएर टिकट बाढ्ने गरेको आरोप लगाएका थिए ।
प्रदेशसभा सांसद चुमनारायण तबदार, पूर्व सांसद वीरेन्द्र माझी, दिलिपकुमार गच्छदार, क्षेत्रीय सभापति मोहनविक्रम कार्की, क्षेत्रीय सचिव चेतराज रेग्मी, जिल्ला सदस्य वसन्त हुमागाईं, प्रेमचन्द चौधरीलाई पनि स्पष्टिकरण सोधिएको छ । आफ्नै उम्मेदवारलाई
त्यस्तै महासमिति सदस्य महेन्द्रप्रसाद सुवेदी, नगेन्द्र जमरकट्टेल, बलबहादुर खवास, महाधिवेशन प्रतिनिधि शम्भुसिंह कार्की, डिल्लीराम रेग्मी, क्षेत्रीय प्रतिनिधि अरबिन्द शर्मालगायत ३८ जनालाई पनि चुनावको विषयमा स्पष्टिकरण सोधिएको छ ।
अन्र्तघातको विषयमा पराजित उम्मेदवारहरुले पटक पटक गुनासो गरेपछि काग्रेस केन्द्रिय समितिले उक्त कदम चालेको बताइएको छ ।
