विराटनगर, फागुन ८
प्रधानमन्त्री केपी शर्मा ओलीले आज विराटनगरमा शक्ति प्रदर्शन गर्दैछन् । प्रतिनिधिसभा विघटनपछि चौतर्फी दबाबमा परेका प्रधानमन्त्री ओलीले आज विराटनगरमा शक्ति प्रदर्शन गर्न लागेको हुन् ।
ओली समुहले आज विराटनगर स्थीत विराट नर्सिङ्होम नजिकै रहेको खाली जग्गामा वृहत जनसभा गर्दैछन । उक्त जनसभामा दुई लाख समर्थक उतार्ने ओली समूहको दाबी छ । जनसभा दिउँसो १२ बाट शुरुहुने बताइएको छ ।
जनसभामा प्रधानमन्त्री केपी शर्मा ओली, रामबहादुर थापा बादल, सुवास नेम्वाङ र प्रदेश १ का मुख्यमन्त्री शेरधन राईले सम्बोधन गर्ने छन् । उक्त कार्यक्रममा गाउँ–गाउँबाट कार्यकर्ता ल्याउनका लागि एक हजार १५ बसको व्यवस्था गरिएको बताइएको छ ।
