निरज बस्नेत
काठमाडौं, माघ २२
राष्ट्रिय स्वतन्त्र पार्टी प्रचण्ड नेतृत्वको सरकारबाट बाहिरिएको छ ।
रास्वपाका सभापति रवि लामिछानेले उपप्रधान तथा गृहमन्त्री नपाएपछि अन्ततः यो पार्टी सरकारबाट बाहिरिएको छ । तर, सरकारलाई दिएको समर्थन भने यथावत् राखेको छ ।
अव रास्वपाले सम्हालेको मन्त्रालय तत्कालको लागि प्रधानमन्त्री प्रचण्डले सम्हाल्नेछन् । नागरिकता विवादमा सर्वोच्चको संवैधानिक इजलासले लामिछानेको गृहमन्त्री चट पार्देको थियो ।
जसअनुसार रविको सांसद पद समेत गुमेको हो । चितवन २ बाट विजयी भएका रविको सांसद पद गुमेसँगै यहाँ अव उपनिर्वाचन हुने निर्वाचन आयोगले जनाइसकेको छ ।
अव उपनिर्वाचनमा फेरी चुनाव जित्ने रविको ठोकुवा छ । र, चुनाव जितेर मात्र कुनैपनि पद लिने लामिछाने बताउँछन् । ६ महिनामै राम्रो उपलब्धि हासिल गरेको रास्वपा एकाएक पार्टी सभापति रविकै कारण फेरी एकाएक विवादित पनि हुन पुग्यो ।
रविले गिरेको आफ्नो छविलाई सुधार्नु बहुत कठिन हुनसक्छ । रविको दोहोरो राहदानी विवाद यतिवेला झन् शंकाको घेरामा छ । र, यो राहदानी विवादमा अदालतमा प्रवेश गरिसकेको छ ।
रास्वपाको भविष्य पार्टी सभापति रविकै वरिपरी भएकै कारण यो पार्टी को भविष्य के हुन्छ, यसै भनिहाल्न चाहीँ सकिन्न ।
