निरज बस्नेत
भरतपुर, चितवन, बैशाख ११
देशका ३ क्षेत्रमा यतिवेला कसले बाजी मार्छ ? यसमा सवैको ध्यान आकृष्ट भइरहेको देखिन्छ । तरपनि चितवन २ ले चाँही धेरैको ध्यान अझ बढ्ता तानिरहेको छ ।
रवि लामिछानेको उम्मेदवारीकै कारण बढि मात्रामा यो ठाउँ चर्चाको शिखरमा छ । राष्ट्रिय स्वतन्त्र पार्टीका सभापति समेत रहेका लामिछानेप्रति यहाँ धेरैको भरोसा रहेको पाइन्छ ।
चितवनमा आइतवार सम्पन्न चुनावमा ६० प्रतिशतको हाराहारीमा मत खसेको निर्वाचन आयोगले जनाएको छ । यो प्रतिशत गएको मंसीर ४ को भन्दा केही कम प्रतिशत हो । तथापि जनताको उत्साहजनक उपस्थिती रहेकै पाइयो । अझ रवि रवि क्रेजले त पूरै चितवननै तताएको छ । आइतवारनै मतगणना शुरुहुने बताइरहँदा कांग्रेसकै कारण मतगणनामा ढिलाई भइरहेको देखिएको छ ।
यहाँका कांग्रेसका उम्मेदवार जितनारायण श्रेष्ठको दावी के रह्यो भन्दा रास्वपाले जालझेल गर्यो । मौन अवधिमा ८ वटा गाडी रविले प्रयोग गरे । यत्तिमा मात्र उनको रविप्रतिको आरोप होइन ।
चुनावताका रविले मतदान केन्द्रमा मान्छेहरु हुलका हूल लगि हूलहुज्जत गरेको आरोप समेत लगाइएको छ । जवसम्म यसमाथि छानविन हुदैन , तवसम्म मतगणना अगाडी नबढ्ने जितनारायण बताउँछन् । यत्ता रविका समर्थक कांग्रेसीको यो मिथ्या आरोपप्रति रत्तिभर पनि विश्वास गर्ने मनसायमा छैनन् ।
र, यथासक्य मतगणना शुरु नगरे सशक्त प्रतिकार गर्ने समाचारहरु आइरहेका छन् । यसमा आफ्ना समर्थकहरुलाई रविले विन्ती गर्दे अहिलेसम्म आफ्ना समर्थकलाई शान्त पारिरहेका छन् । यो समाचार लेखिरहँदा मतगणना चितवन २ मा शुरु हुनसकेको छैन ।
चितवन २ का धेरै मतदाताको दावी रहँदै आएको छ की फेरी पनि जित रविकै निश्चित छ । बाँकी त अन्तिम नतिजाले नै थाहा भइहाल्नेछ ।
