खेम पौडेल
काठमाडौं, आसोज ११
त्रिकोणात्मक टी–ट्वान्टी सिरिजमा नेपालले सिंगापुरमाथि जित हात पारेको छ । कप्तान पारस खड्काको कीर्तिमान शतकमा नेपालले सिंगापुरलाई ९ विकेटले हराएको हो । यससगै टी–ट्वान्टी अन्तर्रा्ष्ट्रिय क्रिकेटमा पारस नेपालका लागि पहिलो शतक प्रहार गर्ने खेलाडी बनेका छन् ।
उनले ५२ बलमा नटआउट १ सय ६ रन बनाएका थिए । उनलाई आरिफले ३९ रनमा अविजित रहदै साथ दिएका थिए ।
टस जितेर पहिलो ब्याटिङ गरेको सिंगापुरले निर्धारित ओभरमा ३ विकेट गुमाएर १ सय ५१ रन बनाएको थियो । नेपालका लागि करण केसीले २ विकेट हात पारे थिए भने डेब्यु खेलाडी सुशन भारीले १ विकेट लिएका थिए । नेपाल पहिलो खेलमा जिम्बावेसँग ५ विकेटले पराजित भएको थियो । सिरिज अन्तर्गत नेपालले मंगलबार पुनः जिम्वाबेसँग खेल्नेछ ।
