काठमाडौं,असोज १९
टि २० विश्वकपको छनोट खेल अघि आयोजना गरिएको ट्रायल सिरिजमा आईतबार नेपालले हङकङलाई चार विकेटले पराजित गरेको छ ।
टस हारेर सुरुमा ब्याटिङ गरेको हङ्गकङ्गले निर्धारित २० ओभरमा ५ विकेट गुमाउदै १२५ रन बनाएको थियो । हङकङका लागी निजाकत खानले १३ बलमा २३, केडि साहले ३१ बलमा ३१, बकस बर्कतले ४७ बलमा ३७ रन बनाएका थिए ।
ब्याटिङतर्फ शुरुवातमा कमजोर प्रद्धशनी गरको नेपालले खेलको १९ औं अभरमा १२६ रनको लक्ष्य पुरा गर्दै जित हासिल गरेको थियो । पाँचौ विकेटको लागि बिनोद भन्डारी र आरिफ सेखबिच ६१ रनको साझेदारी पश्चात खेल नेपालको पोल्टामा आएको थियो । आरिफले २४ बलमा २१ रन र बिनोद भन्डारिले ४८ बलमा अबिजित ५८ रन बनाएका थिए । नेपालका लागी करण केसीले चार विकेट लिए ।
ओमनमा जारी उक्त खेल असोज १८ देखि २३ सम्म चल्नेछ । खेलमा ओमान, नेपाल, हङ्गकङ्ग, नेदरल्यान्ड र आयरल्यान्डको सहभागीता रहेको छ ।
