दोस्रो विश्वयुद्धको बम भेटियो, ५४ हजारलाई सुरक्षित ठाँउमा स्थानतरण

काठमाडौं,मंसिर ३०
इटलीको एक सहर ब्रिन्दिसीमा दोस्रो विश्वयुद्धको शक्तिशाली बम भेटिएको छ । उक्त बमलाई निस्क्रिय बनाउन ५४ हजार मानिसलाई त्यस स्थानवाट स्थानतरण गरिएको छ ।
उक्त बम एक मिटर लामो र वजन २ सय किलोग्रामको रहेकोे छ । बेलायतमा बनेको उक्त बम सन् १९३९ देखी १९४५ (दास्रो विश्वयुद्ध) ताकाको हुन सक्ने बताईएको छ ।
गत नोभेम्बर २ मा सिनेमाको काम गर्ने क्रममा सो बम भेटिएको स्थानीय संचारमाध्यमले जनाएका छन् । मानिसलाई खाली गर्ने काममा एक हजार भन्दा धेरै सुरक्षाफौज र २ सय ५० स्वयंसेवक खटिएको बताईएको छ ।