विराटनगर, पुष २६
विभिन्न प्रतियोगिताको अघिपछि नाम वा पद जोडेर जनप्रतिनिधिहरु आज भोली हाईलाइटमा आउन खोजीरहेको देखिन्छ । राष्ट्रपति, प्रधानमन्त्री, मुख्यमन्त्री, मेयर हुदा हुदै वडा अध्यक्षको पद जोडिएर समेत आजभोली विभिन्न खेलकुद प्रतियोगिता आयोजना हुन थालेका छन् ।
त्यसरी पद जोडेर प्रतियोगिता आयोजना गराउदा जनप्रतिनिधिहरुले समेत आयोजकलाई सजिलै आर्थिक सहयोग उपलब्ध गराउने गरेको छन् । नाम जोडेपछि सजिलै पैशा झर्ने भएकाले आयोजकले पनि स्पोनसरका लागी नामका भोका जनप्रतिनिधिलाई खोजिरहेका हुन्छन् ।
मोरङ जहदा गाँउपालिका वडा नं ४मा पौष २६ गते आयोजना हुन लागेको वडाध्यक्ष कप क्रिकेट टुर्नामेन्टले पनि जनप्रतिनिधिहरु नामको वास्तवमै भोका रहेछन् भन्ने पुष्टी गरेको छ । टुर्नामेन्ट आयोजकले प्रतियोगिताको नाम वडाध्यक्ष कप जुराईदिएपछि, वडा ४ का अध्यक्ष जयन्त नरत गिरीले उक्त खेलको ५० प्रतिशत खर्च वडाले वेर्होने घोषणा गरिदिएका थिए ।
जहदा गाउँपालिका वडा नं ४ मा हुन गईरहेको वडाध्यक्ष कप क्रिकेट टुर्नामेन्ट एक उदारण मात्र हो । हुन त, यसभन्दा अघि पनि मुलुकका विभिन्न वडाहरु वडाध्यक्ष कप टाइटल दिएर प्रतियोगिता आयोजना भईसकेको छ । यसरी नाम वा पदलाई टाईटल दिएर प्रतियोगिता गराउदा जनप्रतिनिधिहरु महत्वकांशी र नामको भोको भएको समाजमा सन्देश गइरहेको छ । खेलकुद प्रतियोगिता गराउनु राम्रो कुरा हो तर राष्ट्रपति देखि वडाअध्यक्षसम्मको टाईटल दिएर कुनै पनि प्रतियोगिता गराउदा, समाजमा भने राम्रो सन्देश जादैन् ।
कसैको नाम वा पदलाई टाइटल दिनुभन्दा त्यस क्षेत्रको महत्वपुर्ण चिज वा प्रकृतिक सम्पदालाई टाइटल दिए त्यस क्षेत्रको प्रचारप्रसार समेत हुने थियो कि ?
