काठमाडौं, जेठ ३१
नयाँ नक्सा अनुसार निशान छाप परिवर्तन नगर्न भन्दै समाजवादी पार्टीकी सांसद सरिता गिरीले दर्ता गरेको प्रस्ताव आज बस्ने प्रतिनिधिसभाको बैठकले अस्वीकृत गर्ने तयारी गरेको छ । दिउसो १ बजे बस्ने प्रतिनिधिसभाको बैठकले सासंद गिरी प्रस्ताव खारिज गर्न सक्ने अधिक्तम संभावना रहेको स्रोतले बताएको छ ।
केही समयअघि सरकारले कालापानी, लिम्पियाधुरा, गुञ्जी, लिपुलेक, कुटी, लगाएको भूभाग नेपालको नयाँ नक्सा जारी गरेको थियो । यही नँया नक्सालाई संवैधानिक मान्यता दिनका लागी सरकारले निशान छाप परिर्वतनको विधेयक संसदमा दर्ता गराएको थियो । नेपालको नँया नक्सा र सरकारले त्यसअनुसार बनाएको निशान छापको विपक्षमा उभिदै केहि दिन अघि मात्र सासंद गिरीले निशान छाप परिवर्तन गर्नु नहुने संसोधन प्रस्ताव दर्ता गराएकी थिइन् ।
उक्त प्रस्ताव राष्ट्रघाती भएको भन्दै देशैभरि सासंद सरिता गिरीको आलोचना र विरोध भएको थियो । देशद्रोह गरको आरोप लगाउदै केहि युवाहरुले काठमाडौंमा रहेको सासंद गिरीको घर समेत तोडफोड गरेका थिए ।

सासंद गिरीआवद्ध समाजवादी पार्टीले समेत सरकाले ल्याएको निशानछपा परिवर्तन विधेयकको पक्षमा मतदान गर्ने निर्णय गरेको छ । आफ्नै पार्टिको निर्णयविरुद्ध गईसंसोधन प्रस्ताव दर्ता गराएपछि सासंद गिरीलाई समाजवादी पार्टिले कडा कारवाही गर्ने चेतावनी समेत दिइसकेको छ ।
सांसद सरिता गिरीको प्रस्ताव भौगोलिक अखण्डता विपरीत भएका कारण उक्त प्रस्ताव सभामुखबाट अस्वीकृत गराउने तयारी रहेको छ ।

सांसद सरिता गिरीको जन्म सनं १९६१ सालमा भारतको विहारको हाजीपुर/ सोनपुर जिल्लामा भएको हो । उनले प्लस टु ( तत्कालीन आइएससी) सम्म भारतबाटै अध्ययन गरेकी थिइन् । उनी वि.सं. २०३५को अन्त्यतिर नेपाल प्रवेश गरेकी थिईन । वि.स. २०३६ सालमा नेपालको लहन नगरपालिकाको वस्तीपुर निवासी लक्ष्ण गिरीसँग सासंद सरिता गिरीको बिवाह भएको थियो । श्रीमन लक्ष्मण गिरीको भने देहान्त भईसकेको छ ।