बिराटनगर, साउन १५
आइसिटी अवार्ड २०१९ को टप ५ मा बिराटनगरको डेल्टा सेल्स एप पर्न सफल भएको छ ।
आइसिटी अवार्ड २०१९ मा गतवर्ष जेठ १५ गतेदेखि यस वर्ष जेठ १४ सम्म सार्वजनिक भएका आइटी प्रडक्टहरुले सहभागिता जनाएका थिए । जस अन्तर्गत पहिलो चरणमा उत्कृष्ट ११ प्रडक्ट छानिएका थिए । उत्कृष्ट ११ मा विधामा डेल्टा सेल्स एप, डिजिटल एड नेटवर्क प्लाटफर्म, प्रोमिस टु सेक्युर, इन्सपेला, खोज इन्फो, एमबैंक, मेडिफ्लो सिस्टम एन्ड सर्भिसेस, स्कुल म्यानेजमेन्ट सिस्टम, श्रीयोग डटकम र सर्भे म्यानेजमेन्ट सिस्टम पर्न सफल भएका थिए । त्यसैगरी उत्कृष्ट ५ मा डेल्टा सेल्स एप, इन्सपेला, एमबैंक र मेडिफ्लो सिस्टम एन्ड सर्भिसेस पर्न सफल भएका छन् ।
Director,Ekata Golcha
के हो डेल्टा सेल्स एप ?
२०१८ को अक्टबरमा लञ्च भएको डेल्टा सेल्स एप डेल्टा टेक प्रालिको प्रडक्ट हो । यो सफ्टवेयरमा अर्डर, पेमेन्ट कलेक्सन, एटेन्डेन्स, खर्च रिपोर्टिङ, एक्टिभिटिज, रिमाइन्डर, बिट रुट प्लानिङ र जिपिएस बेस्ड ट्राकिङ आदि विशेषता रहेको छ् । यस सफ्टवेयरमार्फत सेल्समेनले आफ्नो गतिविधि अपडेट गर्ने एन्ड्रोइड एप प्रयोग गर्दछन् र म्यानेजरले पनि एपवाटै गर्दै सजिलै रिपोर्ट प्राप्त गर्नसक्दछन् । यसको प्रयोगबाट डिस्ट्रिब्युटर, होलसेलर र रिसेलरहरुले सेल्स अर्डर सजिलै पठाउन सक्दछन् । यो एप नेपालका धेरै कन्जुमर भएका कम्पनीहरुको लागी लाभदायी हुने डेल्टा टेककि निर्देशक एकता गोल्छाले जानकारी दिइन।
