काठमाडौं, श्रावण २२
सत्तारुढ भारतीय जनता पार्टी भाजपाकी वरिष्ठ नेतृ एवं पूर्व विदेशमन्त्री सुष्मा स्वराजको निधन भएको छ । उनको मृत्यु हृदयघातको कारण भएको खुल्न आएको छ । मंगलबार साँझ उनलाई हृदयघात भएपछि तत्कालै राजधानी नयाँ दिल्लीस्थित एम्स अस्पतालमा उपचारका लागी पु¥याइएको थियो । अस्पतालमा उपचारकै क्रममा उनको निधन भएको अस्पतालको भनाई छ ।
प्रधानमन्त्री नरेन्द्र मोदीको पहिलो कार्यकालमा उनले सन् २०१४ देखि २०१९ सम्म भारतको विदेशमन्त्रीको जिम्मेवारी सम्हालेकी थिइन् । यसअघि उनले सन् २००९ देखि २०१४ सम्म संसद्मा विपक्षी दलको नेताको रुपमा जिम्मेवारी सम्हालेकी थिइन् । उनको निधनप्रति प्रधानमन्त्री नरेन्द्र मोदी, विपक्षी दल काँग्रेससहितका राजनीतिक दल तथा नेताहरुले शोक व्यक्त गरेका छन् ।
सन् २०१६ मा मिर्गौला प्रत्यारोपण गरेकी सुष्माको त्यसपश्च्यात स्वास्थ्य अवस्था बिग्रदै गएको थियो । सोही कारण यसैवर्ष भएको आम निर्वाचनमा समेत उनले उम्मेद्वारी दिएकी थिइनन् ।
