विराटनगर, फागुन ३
विराटनगर महानगरपालिकाले पुरातत्त्व विभागसँगको सहकार्यमा विराट राजाको दरबारको गुरु योजना बनाउने भएको छ ।
गुरु योजना बनाउने विषयमा आइतबार पुरातात्विक विभागका पदाधिकारी तथा विराटनगरका विज्ञसँग महानगरले बहस गरेको छ । उक्त बहसमा विभिन्न धार्मिक तथा बौद्धिक व्यक्तित्वको सहभागिता थियो ।
विराट राजाको दरबारको संरक्षणसहित विकास गर्ने गुरु योजनाको मुख्य योजना रहेको महानगरपालिकाले जनाएको छ । भविष्यमा उत्खननबाट फेला पर्ने विराट राजासँग सम्बन्धित वस्तु सङ्ग्रहालयमा राखीनु पर्ने बिचारहरु समेत कार्यक्रममा सहभागीले प्रस्तुत गरेका थिए । साथ गुरु योजनामा आधुनिक सुविधासहितको पार्क, खानपानका लागि व्यवस्थित फुडस्टल र विराटकालीन इतिहासको प्रदर्शन गर्नुपर्ने डिजिटल हललगायत संरचना निर्माण गर्नुपर्ने विषय समेत बक्ताहरुले सुझाव दिएका थिए ।
