विराटनगर, चैत्र २८
विराटनगरको शहिद–रंगशालामा संचालन भईरहेको विराट गोल्ड कप प्रतियोगीताको पास वितरणमा विवाद उत्पन्न भएको छ । गोल्ड कपमा आवश्यक व्यक्तीहरुले मात्र पास पाउनु पर्नेमा खल प्रवृतिका व्यक्तीको घाटीमा झुण्डिएको भेटिएपछी पास वितरणको विषयमा विवाद चुलिएको हो ।
यस पटकको गोल्डकपमा अफिसियल पासको नाममा वितरण गरिएको पास चरम दुरुपयोग भएको पाईएपछि सो मुद्दाले विवादको रुप लिएको छ । गोल्डकपका संयोजक मनोज बिक्रम साहले आफ्नो दवदवा देखाउनकै लागी मात्र विना कामका मान्छेलाई अफिसियल पास वितरण गरेको पाईएपछि विराटनगरमा साहको आलोचना हुन थालेको छ ।
त्यस्ता अफिसियल पास भिरेका व्यक्तीहरु खुलेआम बाटोमा धुँवा उडाउदै हिडेदै गरेको , मादक पदार्थ सेवन गरेर ठुस्ठुस्ती गनाउने भएर पाराफिट दुर्गन्धित बनाएको दृश्य समेत देख्न सकिन्थ्यो । त्यस्ता जमातको आवत जावत भएको कारण त्यहाँ आउने सर्वसाधारण तथा महिलाहरुलाई पनि असुरक्षीत महशुस गराईरहेको छन् ।
स्रोतका अनुसार उक्त पासहरु स्वयम् गोल्डकपका संयोजक मनोज बिक्रम साहले नै वितरण गरेको बुझिएको छ । सन् २०११ ताका कुख्यात डनका रुपमा परिचत पर्शुराम बस्नेतको संगतमा रमाएका साहको खल साथी–सर्कल अझै हराएको छैन । सोही खल साथी–सर्कलको बिचपनि धेरै अफिसियल कार्डहरु वितरण भएको स्रोत बताउँछ ।
साहले अफिसियल बाहेक अन्य प्रयोजनको लागी दिईने पासमा समेत विभेद गरेको समेत पाईएको छ । संस्थागत रुपले सबै मिडीयाहरुलाई बराबर पास दिनुपर्नेमा उनले आफु विरुद्ध समाचार लेख्ने मिडियालाई पास नदिएको र आफ्नो वाहवाही गर्ने मिडियाहरुलाई जथाभाबी पास बाढेका छन् ।
“एक मिडिया एक पास भन्ने निती” अवलम्वन गरेर पास वितरण गर्ने भनिएकोमा उक्त निती को कार्यन्यन भएको देखिएन । गोल्डकपमा साह निकटका मिडियाहरुले धेरै पास पाए भने उनका विरुद्धमा समाचार लेख्ने मिडियाहरुलाई एउटा मात्र पास दिइयो र कतिले एउटा पनि हात पार्न सकेनन् । साहको उक्त विवेदकारी कार्ययोजनाले मिडियाको सुचना सम्प्रेषण गर्ने अधिकार समेत हनन भएको छ ।
यसबाहक पनि साहले भिआईपी पासहरु समेत राज्यले भिआईपी सुचिकृत नगरेको व्यक्तिहरुलाई विरतण गरेको समेत पाईएको छ । संयोजक भएको आडमा साहले भिआईपीको स्थानमा उनले आफ्नो आसेपासे तथा नातागोता र उनका नजिकका ठुटे नेतालाई राख्ने गरेको समेत पाईएको छ ।
यस विषयमा खबरदारी जारी रहने छ : जनचर्चा डट कम
