विराटनगर, वैशाख ३
नेकपा माओवादीका अध्यक्ष गोपाल किराँतीले सर्वोच्च अदालतले अरुलाई न्याय गर्दा आफुहरुलाई घात पुगेको बताएका छन् ।
बिहिबार पत्रकार महासंघ मोरङको सभाहलमा आयोजित पत्रकार सम्मेलनमा किराँतीले नेकपा विवादमा ऋसीराज केट्टेललाई न्याय गर्दा आफुहरु अन्यायमा परेको बताए ।
प्रचण्डले विघटन गरेको माओवादी केन्द्रलाई आफूहरुले पुनर्गठन गरेर अघि बढाए पनि सर्वोच्चको फैसलाले पुनर्गठत दललाई ध्वस्त पारेको उनेको भनाई छ । सर्वोच्चले तत्कालिन ओली–प्रचण्डको नेकपालाई बञ्चरो हन्दा दुईचार भाटा आफुरुलाई पनि लागेको किराँतीले टिप्पणी गरेका छन् । किराँतीले नेपालमा लोकतन्त्रवादी र कम्युनिष्ट भनिएका पार्टीहरु सच्चा रुपमा लोकतन्त्रवादी र कम्युनिष्ट नभएको आरोप लगाए ।
