विराटनगर, असार १०
नेपाली कांग्रेस विराटनगरको नँया नतृत्वका लागी ४ जनाले दाबेदारी प्रस्तुत गरेका छन् । नयाँ सभापतिको लागि दीपक चापागाई, अरुण न्यौपाने, कृष्ण कार्कि र सन्तोष न्यौपानेले दाबेदारी प्रस्तुत गरेका हुन् । साउन १६ गते नेपाली काग्रेस विराटनगरको अधिवेशन हुँदै छ ।
दीपक चापागाई शेखर कोइराला निकट छन् । उनी २०४८ सालदेखी नेपाली काग्रेसमा सक्रिय छन् । चापागाईले दोस्रो पटक सभापतिमा उम्मेद्वारी दिएका हुन् । २०३४ सालमा चापागाईका हजुरबुबा मुक्तिप्रसाद काङ्ग्रेस मोरङको सभापति बनेका थिए । उनका बुबा पनि काङ्ग्रेसको राजनीतिमै थिए ।
सन्तोष न्यौपानेलाई नेता अमृत अर्यालको समर्थन छ । अर्याल सभापति देउवा समूहमा छन् । न्यौपानेले नेपाल विद्यार्थी सङ्घ विराटनगरको दुई कार्यकाल नेतृत्व गरीसकेका छन् ।
अरुण न्यौपानेले आफूलाई साझा उम्मेद्वार रहेको बताएका छन् । तर उनी नेता कृष्णप्रसाद सिटौलासँग नजिक रहेको बुझिएको छ । न्यौपाने नेपाली काङ्ग्रेस विराटनगरको कार्यबहाक सभापतिको हुन् ।
त्यस्तै कृष्ण कार्किले समेत आफूलाई साझाँ बताउँदै आएका छन् तर उनलाई गगन थापाको समर्थन रहेको बुझिएको छ । कार्किले नेविसघंबाट राजनीति शुरु गरेका थिए । उनी नेविसघंको केन्द्रीय सहमहामन्त्री समेत भईसकेका छन् ।
