०७ बैशाख २०८१, शुक्रबार
19-04-2024 , Fri

मोरङ ४ बाट घिमिरे सिफारिसमा परेसँगै अन्य नेताको दावी ओझेलमा

Logo
प्रकाशित शनिबार, भाद्र १८, २०७९

विराटनगर, भदौ १८
निरज बस्नेत
नेपाली कांग्रेस मोरङ ४ को राजनीति यतिवेला गर्माएको छ । आसन्न मंसिर ४ को आवधिक निर्वाचनको लागि ५ जनाको नाम प्रतिनिधि सभा उम्मेदवारका का लागि यहाँवाट सिफारिस भएको छ । समग्रमा गुट उपगुटले थिलथिलो भएको नेपाली कांग्रेस यतिवेला मोरङ ४ मा झन् संकटको घडीमा गुज्रिरहेको छ ।

मोरङ ४ देखि सिफारिस भएका ५ जनामा, गुरुराज घिमिरे, अमृत अर्याल, भिम पराजुली, महेश आचार्य र दिलिप गच्छ्छेदार हुन् । महेश आचार्यले २०७४ को चुनावमा यहाँवाट माओवादी केन्द््रका अमनलाल मोदीसँग हारेका थिएँ । महेशलाई हरुवाको संज्ञा दिदै टिकट दिनुहुदैन यो माग जोडदार रुपमा कांग्रेसीजनवाटै उठेको छ । मोरङबाटै राजनीति गर्ने अनि यहीँका जनताका लागि केही नगर्ने परिपाटीले महेशको संभावना नरहेको केही कांग्रेसी नेताहरु हाक्काहाक्की बताउँछन् । तर, अन्तिम एकपटक मौका पाएँ अवश्य चुनाव जित्ने महेशको दावी छ । हारेकालाई पुनः मौका दिनु आत्मघाती हुनेछ, यो चाहीँ आम बुझाइ रहेको छ ।

धार्मिक नेताको छवि बनाएका भिम पराजुलीको आशा जिवितै रहेको उनी निकटका कांग्रेसी नेता बताउँछन् । मोरङ ४ बाट प्रतिनिधि सभाको उम्मेदवारको टिकट पाउने, भिमका नजिकका नातेदार समेत दावी गर्छन् ।
तरपनि भिमको हकमा यो फलामको च्यूरा चपाउँनुसरी हुने राजनीतिका जानकारहरुको विश्लेषण छ । । मोरङमा शेखर कोईरालाको छवि राम्रो छ । कोईरालाको विरासतको रुपमा मोरङको कांग्रेसी राजनीतिलाई अथ्र्याईँछ । यता भिमको सम्वन्ध शेखरसँग पानीवारको छ । तसर्थ भिमले टिकट पाउने सँभावना क्षीण बन्दैजाने विराटनगरका कांग्रेसीहरु बताउँछन् ।

विजयकुमार गच्छ्छेदारसँग राम्रो सम्वन्धमा रहेका दिलिप गच्छ्छ्दारलाई त मोरङ ४ कै धेरै मानिसहरुले चिन्दैनन् । दिलिपको कांग्रेसमा भूमिका आफैमा गौण छ । यसर्थ दिलिपलाई सिफारिस केवल चित्त बझाउँने मेलो हुनसक्छ ।

अमृत अर्याल मोरङका चिरपरिचित अनुहार हुन् । यिनको साविक निर्वाचन क्षेत्र मोरङ ५ हो । मोरङ ४ का लागि अमृत पर्यटक जस्तै हुनाले पनि यिनको संभावनामा तुषारापात लाग्न सक्छ । अमृतले धेरै विकासे राम्रा काम मोरङ ५ बाटै गरेका कारण यिनी उतै लोकप्रिय देखिन्छन् । तसर्थ मोरङ ४ देखि अमृतको संभावना कमजोर सावित बनिदिन सक्दछ ।

अन्ततःसवैको फाईदा गुरुराज घिमिरेले उठाउन सक्ने अड्कल काटिदैछ । शेखरका अतिप्रिय गुरुराज कै नाममा मोरङ ४ को प्रतिनिधि सभाको टिकट आउने यस्तै गाइँगुई धेरैको मुखारविँदवाट आईनैरहेको छ । विधार्थी राजनीतिदेखि नै लोकप्रिय छवि बनाएका गुरुराजको लाइफस्टाईल नै सरल छ । जीवनमा कहिल्यै पदको लोभमा नपरेका गुरुराज असाधारण छन् । यस्ता निस्कलंक व्यक्तित्व गुरुराजकै पोल्टामा मोरङ ४ को प्रतिनिधि सभाको उम्मेदवारको टिकट हात नपर्ला भनेर पनि यसै भनिहाल्न पनि सकिन्न् ।

कमेन्ट गर्नुहोस्
सम्बन्धित

काठमाडौं, ३ वैशाख । नेपाली कांग्रेसका सभापति एवं पूर्व प्रधानमन्त्री शेरबहादुर देउवाले अब नेपालमा राजा र राजसंस्था फर्किन असम्भव रहेको बताएका छन् । आइतबार स्वर्गीय सूर्यबहादुर थापाको स्मृति सभालाई सम्बोधन गर्दै उनले राजतन्त्र र राजा फर्किन सम्भव नरहेको दाबी गरेका हुन् । सरकारमा को छ, को छैनभन्दा पनि संसारभर लागू भएको बहुदलीय व्यवस्था नेपालमा अझ […]

विराटनगर,२५ चैत । आउँदो वैशाख १५ गते हुने इलाम–२ को उपनिर्वाचनका लागि २० जनाले उम्मेदवारी दर्ता गराएका छन् । जिल्ला निर्वाचन कार्यालयका अनुसार मनोनयन दर्ताको लागि तोकिएको समयमा २० जनाले दर्ता प्रमाणपत्र बुझेका हुन् । [सूची ]

विराटनगर ,२६ चैत । कोशी प्रदेशमा सरकारलाई दिएको समर्थन फिर्ता लिने बारेमा नेकपा एमालेले कसरत थालेको छ । आइतबार बसेको गठबन्धन दलहरूको बैठकले  गठबन्धन दलहरू बिच केन्द्रको सहमति कार्यान्वयन गरेर जाने सहमति भएको छ। संविधानको धारा १६८ को उपधारा (५) बमोजिम बनेको  केदार कार्की नेतृत्वको सरकार  परिवर्तन गर्ने बारेमा गठबन्धनले गृहकार्य थालेको हो ।  प्रदेशसभा सदस्यको […]