विराटनगर, भदौ २१
निरज बस्नेत
नेपाली कांग्रेसका प्रभावशाली नेता डा. शेखर कोईराला प्रभावहीन देखिएका छन् । सभापति शेरवहादुर देउवालाई काउन्टर दिने नेताको रुपमा परिचय बनाएका डा. शेखर एकाएक कमजोर सावित देखिएका छन् । पछिल्लो सम्पन्न कांग्रेस महाधिवेशनमा देउवासँग पराजित हुँदा समेत एकचालिस प्रतिशत लोकप्रिय मत ल्याएका शेखर कसरी कमजोर भएँ त ?
मोरङ ६ बाट शेखर सर्वसम्मत उम्मेदवार हुने धेरैको अनुमान थियो । तर, ठिक विपरित यहाँवाट ४ जनाको नाम सिफारिस गरिनुलाई अर्थपूर्ण तरिकाले हेरिएको छ । रमेशजंग रायमाझी, शिवकुमार बस्नेत तथा डिला संग्रौला समेत गरि ४ जनाको नाम प्रतिनिधि सभा उम्मेदवारका लागि सिफारिस गरिएको छ ।
रमेश, शिव, डिला तिनैजना देउवा निकटका नेता हुन् ।
गएको चुनावमा शेखरले एमालेका लालवावु पण्डितसँग यहाँवाट हारेका थिएँ । यसपालि पनि कतै शेखरले गिरेको साखलाई फेरी गिराउने त होईनन्, यस्तै बखेडा निकालेर संस्थापन पक्षले शेखरलाई क्षेत्र ६ बाट पन्छियाउन खोजिरहेको छ । गए स्थानीय तहको निर्वाचनमा विराटनगरको मेयरमा नागेशको नाम डा. शेखरले अन्तिम समयसम्म लिएको विषयले समेत मोरङमा धेरै कांग्रेसी असन्तुष्ट बनेका थिए । सोही असन्तुष्ट पक्षले पनि दावेदारहरुलाई मज्जाले उचालेको बुझिएको छ ।
मोरङ कांग्रेसभित्र शेखरबाहिरका नेता तथा कार्यकर्ताहरुलाई सधै आझेलमा पार्ने प्रवृतिले पनि संस्थापन पक्षका नेताहरु शेखरसँग रुष्ट थिए । सोही कारण पनि शेखरको क्षेत्रमा संस्थापनका नेताले बाझो थापीदिएको हुनसक्ने अड्कलिएको छ ।
शेखर पदेन केन्द्रिय सदस्य हुन् । यो भनेको महाधिवेशनमा केन्द्रिय सभापति पदमा लड्दा विजेताको निकटत्म प्रतिद्धन्द्धी स्वतः केन्द्रिय सदस्य हुने विधानतः व्यवस्था हो । शेखर संसदमा पनि नहुनु, महाधिवेशनमा हार्नु, देउवासँग खासै सम्वन्ध राम्रो पनि नहुनु, सानो गुटको झुण्डमा रमाउनु जस्ता कारकतत्वले दिनप्रतिदिन शेखरलाई पतनकै बाटोतर्फ डोर्याउँदै छ ।
केन्द्रिय कमिटीमा देउवा गुटको एकासी प्रतिशत हालीमुहाली छ । यहाँ पनि शेखर कमजोर सावित छन् ।
अझ रोचक कुरा त शेखर आम जनतामाझ सिधै सम्पर्कमा जान त्यतिसारो रुचाउँदैनन् । कोही मार्फत चुनावी प्रचार – प्रसारमा जान अग्रसर हुनुले समेत शेखरको राजनीतिक उडानमा उल्टो गति लिईरहेको प्रष्टै देखिन्छ ।
