काठमाडौं, भाद्र २
नेकपामा माधवकुमार नेपालको तेस्रो वरियता खोसि चौथोमा पुर्याईएको छ । आईतवार बालुवाटरमा बसेको सचिवालय बैठकले झलनाथ खनाललाई तेस्रो वरियतामा राख्ने निर्णय गरेको हो । यस निर्णयसँगै नेपाल अब चौथो नम्बरमा पुगेका छन् ।
एमाले र माओवादीबीच एकता हुँदा अध्यक्षद्धय केपी शर्मा ओली र पुष्पकमल दाहाल प्रचण्डपछि तेस्रो वरियतामा नेता नेपाललाई राखिएको थियो । नेता खनालले त्यसमा असहमति जनाउँदै आफू तेस्रो वरियतामा हुनुपर्ने माग गरेका थिए ।
आलीको बदलाको भाव : नेपाल
ओलीले एकिकरणका बेला झलनाथ खनालसँग बदला लिन आफूलाई तेस्रो वरियता दिएको र अहिले आफूसँग बदला लिन खनाललाई अघि सारेको नेपालको भनाई छ । नेपालले आफ्नो वरियता खोसिदा समेत बैठकमा कुनै प्रतिवाद नगरेको सहभागीहरुले बताए ।
