विराटनगर, कार्तिक ७
निरज बस्नेत
मोरङमा जम्मा ६ निर्वाचन क्षेत्र रहेका छन् । जसमध्ये मोरङ, ४, ५, र ६ मा गरेर ३ निर्वाचन क्षेत्रमा राप्रपा बलियो देखिएको यसैं क्षेत्रका मतदाताको दावी रहँदैं आएको छ ।
मोरङ–४ बाट राप्रपाका राष्ट्रभक्ति युवा उम्मेदवार रवि रिजाल चुनावी मैंदानमा छन् । यसैं ४ नं. क्षेत्रवाट सत्ता गठबन्धनका साझा उम्मेदवार माओवादी केन्द्रका अमनलाल मोदी चुनावी प्रतिष्पर्धामा छन् । एमालेवाट विनोद ढकाल छन् । प्रतिनिधि साभाका लागि यी तिनैंजनामा रोचक भिडन्त हुने पूर्वानुमान गरिदैछ । राप्रपाका युवा उम्मेदवार रिजालको चुनावी गतिविधिमा तीव्रता देखिएसँगैं मतदातामा उत्साहको किरण देखिएको छ । विराटनगरका वडाहरु, ग्रामथान गाउँपालिकामा , त्यस्तैगरी कटहरी गाउँपालिकामा रहेका मतदाताको रिजालप्रति विश्वासको वातावरण देखिन थालेको छ । रविको सवैसँग घुलमिल हुने राम्रो बानीले गर्दा पनि यस क्षेत्रका मतदातामा यसपाली धार परिवर्तन गर्नुपर्ने देखेका छन् । यसको मतलव अन्य उम्मेदवारद्दय, मोदी र ढकाललाई चुनाव जित्न हम्मेहम्मे पर्ने देखिन्छ ।
मोरङ–५ मा राप्रपाका रेवत बहादुर थापा चुनाव जित्नेमा ढुक्क छन् । यस क्षेत्रमा मतदाताप्रतिको उत्साह हेर्दा थापा दंग छन् । थापा मतदाताको बलियो साथले अनि राम्रो जनलहरले समेत बाजी मार्नेमा ढुक्क प्रायः देखिन्छन् । जनताको घरदैलोमा नैं उनीहरुले बनाएको खाना खाएर होस् चाहे, दिनभरी मिठामिठा भलाकुसारी गरेर होस् मतदाताको मन जितिरहेका छन् । आफ्नै राम्रो व्यवसाय पृष्ठभूमिकैं कारण पदमा पुगेपछि एक पैंसापनि भ्रष्टाचार नहुने संकेत देखिएका कारण समेत हुनसक्छ, यस क्षेत्रमा थापाप्रति मतदाताले विश्वास गरेकै छन् । थापाका प्रतिद्दन्दीका रुपमा सत्ता गठबन्धनका रुपमा उम्मेदवार, माओवादी केन्द्रका शिवकुमार मण्डल एवं एमालेसँग सहकार्य गरेको जसपाका उम्मेदवार राजकुमार यादव चुनावी मैदानमा छन् । मण्डलले ५ बर्ष सांसद भएर र मन्त्री समेत हुदा कुनै लछारपाटो नलाएकै कारण मण्डलको क्रेज घटेको छ । यता यादव नयाँ अनुहार अनि जसपाको विग्रदो राजनीतिकै कारण पासा थापातिरैं जाने जनविश्वास बढेर गएको छ ।
मोरङ–६ तर्फ नियाल्दा राप्रपाका लाेकप्रिय नेता गोपाल कटुवाल अग्रमोर्चामा छन् । यिनको सरल जीवनयापनले गर्दा यिनलाई मतदाता आफ्नो संझिन्छन् । यिनी पनि मतदातालाई घरकै सदस्यसरी व्यवहार गर्छन् । घरदैंलो अभियानलाई सार्थकतामा परिणत गर्दे चुनावी एजेण्डा मतदातामाझमा सुनाईरहेका छन् । मतदाताले पनि चनाखो भएर बुझिरहेका छन् । कटुवाल आफैमा समाजसेवी समेत हुन् । यिनको लोभलाग्दो सरलता इत्यादी कारणले यिनी मोरङ–६ का बलिया जित्नसक्ने हकदारका उम्मेदवार हुन् । कटुवालको प्रतिद्दन्दिमा सत्ता गठबन्धनका उम्मेदवार, डा. शेखर कोईराला र एमालेका लालवावु पण्डित छन् । डा. शेखर ७४ को चुनावमा लालवावुसँग पराजित भएका थिँए । यिनको पार्टी भित्रको अन्र्तसंघर्षलाई मतदाताले रुचाएको पाईदैन । लालवावुले ५ बर्ष सांसद एवं २१ महिना मन्त्री समेत हुदाँ जनताको मन जित्ने कुनै काम नगरेका कारण छवि विगारेका छन् । सारमा, मोरङका निर्वाचन क्षेत्र , ४, ५ र ६ मा राप्रपाका उम्मेदवार अन्य उम्मेदवारका लागि कठिन बन्न सक्दछन् ।
