विराटनगर, कार्तिक २३
निरज बस्नेत
बहुप्रतिभाशाली व्यक्ति उद्दव पौडेल अव सधैको लागि विराटनगर नै बस्ने निर्णयमा पुगेका छन् । विराटनगरबाट नै आफ्नो करियरलाई उँचाईमा पुर्याएँका पौडेल राप्रपाबाट समानुपातिक तर्फका प्रतिनिधि सभाका उम्मेदवार हुन् ।
नेपाल सरकारवाट दीर्घ साधना सम्मानबाट विभूषित पौडेल कुनै समयका पत्रकार समेत थिएँ । विराटनगरमा रहेर तत्कालीन समयमा, रोडशेष स्तम्भ, सहिद रंगशाला, कभर्ड हल, लगायत निर्माण गर्नुमा पौडेलको अहम् भूमिका रहेको हो । यतिवेला पौडेललाई चुनावी चटारोले व्यस्त बनाएको छ । जनताको नजिकमा रहेर जनताकै पीरमर्का बुझ्नमा यिनलाई अहिले भ्याई न भ्याई छ ।
निकट भविष्यमा आफ्नो नाममा रहेको उद्दव पौडेल फाउन्डेशनलाई विराटनगरमा नै सिफ्ट गर्ने महत्वपूर्ण योजना बनाएका छन् । उमेरले ७० पुग्न लागेका पौडेल अवको शेष जीवनलाई यही विराटनगरमा नै व्यतित गर्न चाहन्छन् । आसन्न मंसीर–४ को चुनावी लक्षित कार्यक्रमलाई मध्यनजर गर्दे पौडेलले केही प्रतिवद्दताहरु, सार्वजनिक गरेका छन् ।
अभिभावकीय संस्थाको रुपमा राजसंस्था, सर्वधर्म संभव पूर्ण धार्मिक स्वतन्त्रता सहितको वैदिक सनातन धर्म सापेक्ष हिन्दू राष्ट्र, जनतावाट प्रत्यक्ष निर्वाचित कार्यकारी प्रधानमन्त्री, पूर्ण समानुपातिक संसद, प्रदेश खारेजी, केन्द्र र बलियो स्थानीय तह भएको दुई तहको शासकीय संरचना लगायत अन्य सामाजिक, आर्थिक मुद्दाहरु रहेका छन् । हलो चिन्हमा मतदान गरौ, देशको मुहार बदल्न मतलाई मनसँग जोडौ सहितको राष्ट्रिय स्लोगन बोकी पौडेल एककदम अगाडी छन् ।
