विराटनगर, मंसीर ६
निरज बस्नेत
विश्वकप फुटवल २०२२ अन्र्तगत आज मंगलवार ४ महत्वपूर्ण खेल हुदैंछन् ।
नेपाली समयअनुसार दिउँसो ३ः४५ मा बलियो टिम अर्जेन्टिनासँग कमजोर साउदी अरेविया भिड्दै छ । फुटबलका स्टार खेलाडी लियोनल मेसीको बलियो साथमा अर्जेन्टिनाले आज आक्रमक शुरुवात गर्दे म्याच एकतर्फी रुपमा जित्ने फुटवलप्रेमीको अनुमान छ ।
आजै हुने दोस्रो खेलमा डेनमार्कले ट्युनिसियाको सामना गर्देछ । यस खेलमा डेनमार्कले पासा पल्टाउँने अनुमान रहेको छ । यो खेल नेपाली समय ६ः४५ मा हुनेछ ।
आज हुने तेस्रो खेल मेक्सिको र पोल्याण्ड बीचमा हुनेछ । यो खेल नेपाली समय ९ः४५ मा हुनेछ । यसमा मेक्सिकोले जित्ने पूर्वअनुमान हुदैंछ ।
आज राती १२ः४५ मा फ्रान्स विरुद्द अष्ट्रेलिया बीचमा आजको लागि अन्तिम म्याच हुनेछ । यस खेलमा फ्रान्स नैं हावी रहने अनुमान धेरैको छ ।
