विराटनगर, मंसीर ६
निरज बस्नेत
राप्रपा पार्टीको पत्ता साफ हुने लगभग निश्चित प्रायः देखिन्छ । मोरङमा जम्मा ६ वटा निर्वाचन क्षेत्र रहेका छन् ।
मोरङ् – १ मा एमालेका घनश्याम खतिवडाको जित सुनिश्चित बन्दैछ । मोरङ्–२ मा एमालेबाट ऋषि पोखरेलको जितको संभावना बढेर गएको छ । मोरङ्–३ मा कांग्रेसका सुनिल शर्मा यतिवेला जितको अन्तिम घडीमा छन् ।
मोरङ्–४ बाट माआवादी केन्द्रका अमनलाल मोदीको जित प्रायः, प्रायः नजिक छ । मोरङ्–५ मा स्वतन्त्रका यागेन्द्र मण्डलको जित लगभग पक्कापक्की देखिन्छ । त्यस्तैगरी मोरङ्–६ बाट कांग्रेसका डा. शेखर कोईरालाको जित निश्चित प्रायः छ ।
यसरी हेर्दा मोरङमा राप्रपाले जिरो स्थान लिने प्रष्ट देखिन्छ । यसको कारण केलाउँदा सर्वप्रथम त राप्रपाका केन्द्रिय अध्यक्ष राजेन्द्र लिङ्देन नै प्रमुख जिम्मेवार देखिन्छन् । राजेन्द्रले चर्चामा आएका पब्लिकले रुचाएका व्यक्तिलाई चुनावमा टिकट वितरणमा उपेक्षा गर्नु नै कारणमध्ये एक हो ।
विराटनगरमा रहेर सधै नै आफै पदको लागि मरिहत्ते गर्ने मधेसी समुदायका एक नेतालाई टाउकोमा चढाउनु, उसैलाई सधैभरि मौका दिईरहनु, पार्टीमा योगदान गरेका खास मान्छेलाई पन्छाउनु पनि मोरङमा राप्रपा पत्ता साफ हुनु विशेष कारण मानिएको छ ।
काठमाडौंबाट यसो कहिलेकाहीँ आएँर पार्टीप्रतिको खोक्रो योगदान दिनेलाई काँध थाप्नु पनि अर्को हारको कारण हुनसक्छ । बाहुन समुदायका एक नेता छन् , जो विराटनगरमा नै रहेर राप्रपा पार्टीबाट लाजनीति गर्देछन्, यिनको गलत हर्कतका कारण आज राप्रपा मोरङमा अप्ठ्यारो स्थितीमा पुगेको छ ।
