विराटनगर, मंसीर २१
निरज बस्नेत
कतारमा विश्वकप फुटवल २०२२ का खेलहरु भईरहेका छन् । मंसीर २३ गते बाट क्वार्टर फाईनलका खेलहरु हुदैछन् । पहिलो क्वार्टर फाईनलमा ५ पटकको विश्वकप फुटवल विजेता ब्राजिलले क्रोएसियाको सामना गर्देछ ।
यसअघिको प्रिक्वार्टर फाईनलमा ब्राजिलले आफ्नो खेलमा दक्षिण कोरियालाई ४–१ गोल अन्तरले हराएको थियो । यता क्रोएसियाले प्रिक्वार्टर फाईनलमा जापानलाई ट्राई ब्रेकरमा हराएको हो । यि दुईको फुटवल भिडन्तलाई विश्वभरिका फुटवलप्रेमीले प्रतीक्षा गरिरहेका छन् ।
ब्राजिल प्रशिक्षक टिटेको नेतृत्वमा मैदानमा उत्रिनेछ । ब्राजिलका क्याप्टेन जर्सी नं. ३ का थिएगो सिल्भा पूरै लयमा छन् । ख्यातीप्राप्त खेलाडी ब्राजिलियन फरवार्ड नेयमरको कुशल खेल शैली जादूमयी छ । नेयमर विपक्षी गोलकिपरलाई छक्काई गोल हान्न माहिर छन् । साथमा नेयमरको पास दिने टाईमिङ गज्जबको छ , जसको कारण ब्रालिलका अन्य खेलाडीलाई गोल संख्या बढाउन सहायक सिद्द हुने गरेको छ । यसलाई रोक्न क्रोएसियालाई चुनौतीपूर्ण छ ।
कासिमिरो, फ्रेड, रिचार्लिसन लगायत अन्य प्रायः प्रायः खेलाडी ब्राजिलका पूरै लयमा देखिदै आएका छन् । यसपालीको विश्वकप फुटवलको उपाधि ब्राजिलले नै उचाल्ने विश्वभरका धेरै खेलकूदप्रेमीहरुको पूर्वानुमान छ । यी दुई बीचको खेल आउँदो शुक्रवार नेपाली समय अनुसार राती ८ः४५ मा शुरु हुनेछ ।
