विराटनगर, मंसीर २२
निरज बस्नेत
असारमा खुलेको राष्ट्रिय स्वतन्त्र पार्टीले समानुपातिकतर्फ १३ सिट सुरक्षित गरेको छ ।
यसमा आदिवासी पुरुष तर्फबाट डा. ढाका कुमार श्रेष्ठ, खस आर्य पुरुषबाट डोल प्रसाद अर्याल, मुस्लिम पुरुषबाट असिम शाह, मधेसी पुरुषबाट मनीस झा, आदिवासी महिलाबाट इन्दिरा राना मगर, आदिवासी महिलाबाटै सुमना श्रेष्ठ, थारु पुरुषबाट अशोक चौधरी, मधेसी पुरुषबाट तपेश्वर यादव, खस आर्य पुरुषबाट दीपक बोहरा, दलित पुरुषबाट सन्तोष परियार, दलित महिलाबाट कल्पना रोक्का, र पिछडिएको वर्ग महिलाबाट विनीता कठायत रहेका छन् ।
रवि लामिछाने नेतृत्वको रास्वपाले प्रत्यक्षतर्फ ७ सिट जितेको हो । संसदमा रास्वपाको कूल सिट अव २० पुग्ने निश्चित भएको छ । नयाँ सरकार बनाउनका लागि रास्वपा निर्णायक शक्ति हुने जस्तो देखिन्छ । रास्वपामा प्रत्यक्षतर्फ राम्रा–राम्रा मान्छेहरुको जित भएको देखिन्छ । संभावना भएकाले प्रत्यक्षतर्फ जित्नुलाई पनि रास्वपाले केन्द्रिय राजनीतिमा राम्रै पकड बनाउने देखिन्छ ।
महिला प्रत्यक्षतर्फ डा. तोसिमा कार्की, सोविता गौतमले काठमाडौबाट चुनाव जितेका छन् । यी दुवै आफ्नो क्षेत्रका सक्षम महिला हुन् । रवि स्वंले चितवन क्षेत्र नं. २ बाट चुनाव अत्यधिक मतले जितेका हुन् । सरसर्ती हेर्दा रास्वपाले केन्द्रिय राजनीतिमा तहल्का पिट्ने अड्कल काटिदैछ ।
