विराटनगर, मंसीर २७
निरज बस्नेत
फुटवल महासंग्राम विश्वकपमा आज राती १२ः४५ बजे क्रोएसिया भर्सेज अर्जेन्टिना बीचमा पहिलो सेमीफाइनल खेल हुदैछ । क्रोएसियाले क्वार्टरफाइनलमा ब्राजिललाइ हराएको थियो ।
यस खेलमा ५ पटकको विश्वविजेता ब्राजिललाई युरोपियन राष्ट्र क्रोएसियाले ९० मिनेटको पूरै खेलमा एक गोल सम्म पनि हान्न दिएन । ब्राजिललाई पूरै खेलमा क्रोएसियाले पूरै दवाबमा राखेको थियो । निर्धारित समयमा दुवै पक्षबाट कुनैपनि गोल नभएपछि खेलमा थप ३० मिनेट थप भएको हो ।
यसमा ब्राजिलका नेयमरले खेलको १०५औं मिनेटमा पहिलो गोल गर्दे आफ्नो टिमलाई अग्रता दिलाए तापनि लगत्तै क्रोएसियाबाट १ गोल लाग्यो र खेल बराबरीमा पुग्यो । ३० मिनेट थपिएको खेलमा १–१ गोलको बराबरी भएपछि खेल ट्राइब्रेकरमा गएको हो । अन्ततः पेनाल्टी सूटआउटमा गेम क्रोएसियाको पोल्टामा पुग्यो ।
यता अर्जेन्टिनाले पनि क्वार्टरफाइनलको आफ्नो खेलमा पेनाल्टी सूटआउटमा नतिजा आफ्नो पक्षमा पारेको हो । अव आजको यी दुई बीचको सेमीफाइनल एकदमै रोचक हुने सवैको अनुमान रहेको छ ।
