विराटनगर, मंसीर २८
निरज बस्नेत
विश्वकप फुटवल २०२२ को पहिलो सेमीफाइनलमा २ पटकको विश्वविजेता अर्जेन्टिनाले क्रोएसियालाई ३–० गोल अन्तरलले हरायो । अव, अर्जेन्टिनाले आज हुने दोस्रो सेमीफाइनल विजेतासँग आइतवार भिडन्त गर्ने छ ।
दोस्रो सेमीफाइनलमा आज फ्रान्स भर्सेज मोरक्को बीचमा नेपाली समय अनुसार १२ः४५ मा खेल हुनेछ ।
विश्व फुटवल स्टार लियोनल मेसी प्रेरित अर्जेन्टिनाले १ गोल गरे । मेसीका चेला २२ बर्षिया एल्भारेजले २ गोल गरेका छन् । यिनको दुवै गोल हेर्न लायकको आकर्षक थियो ।
शानदार खेल कला कौशल प्रदर्शन गरेका फुटवल स्टार मेसीले पूरै ९० मिनेटसम्म डटेर खेले । फलस्वरुप आफ्नो टिम अर्जेन्टिनालाई फाइनल यात्राको लागि पुर्याइछाडे ।
मेसीका चेला एल्भारेजको खेलकला जादूमयी थियो ।
५ पटकको विश्वविजेता ब्राजिललाई क्वार्टरफाइनलमा हराएको क्रोएसिया सेमीफाइनलमा अर्जेन्टिनासामु निरीह सावित भइदियो ।
