विराटनगर, पुष ११
निरज बस्नेत
जति नै ठूलो कुरा गरेको भएतापनि अन्ततः रवि लामिछाने सरकारमा जाने पक्का भएको छ । आकाशको तारा खसाल्छु भन्ने रविले आफ्नै नेतृत्वमा प्रचण्ड नेतृत्वको सरकारमा जाने भएका छन् ।
६ महिना अघि स्थापित राष्ट्रिय स्वतन्त्र पार्टीका सभापति रवि अन्तमा सत्ताकै लागि मरिमेट्ने पात्रको रुपमा दर्ज हुन पुगे । संचारक्षेत्रमा काम गर्दे बीचमा अमेरिका पलायन भएका रविले पुनः संचारजगत बाट नै चर्चा बटुलेपछि धेरै जनताको मन जितेका थिए ।
यसर्थ रविसहितको रास्वपालाई नेपाली जनताले २० सिटको हैसियतमा पुर्याइदिएका छन् । तर, विडम्वना रविले आम जनताको मन तोडे । अहिले रवि सत्ताकै खेलमा यस्तरी लागेकी मानौं यो सव उनले कुर्सिकै लागि गरेका हुन् । यही फिल आज आम मानिसमा भइरहेको देखिन्छ ।
रविले गृहमन्त्री दावी जोडतोडका साथमा गरिरहेको सूत्र दावी गर्छ । रविलाई गृहमन्त्री नदिएर श्रम मन्त्री या स्वास्थ्य मन्त्री दिने प्रचण्डको दाउँ छ । प्रधानमन्त्री प्रचण्डले पाएपछि अव राष्ट्रपति एमाले र सभामुख एमालेलै पाउँने सहमति भएको बुझिन्छ । तसर्थ सत्ताको तेस्रो ठूलो दलको हैसियतले गृहमन्त्रीमा रविले दावी गरेको जनाइएको छ ।
प्रचण्ड नेतृत्वको सरकारलाई एमाले, रास्वपा, जसपा, जनमत पार्टी, नाउपा लगायतको समर्थन रहेको छ । लगभग १७१ सांसद वर्तमान प्रचण्ड नेतृत्व सरकारसँग हुने बताइएको छ । रास्वपा सरकारमा जाने निर्णयमा केन्द्रिय सदस्य गणेश कार्कीले तीव्र असन्तुष्टि जनाएका छन् । उनले भनेका छन्, चुनावमा आफूहरुले हामी अलग छौ, अलग रहनेछौ र अलग त्यसअनुसार नभएको भन्दै असन्तुष्टि जनाएँ ।
