विराटनगर, पुष ११
निरज बस्नेत
प्रचण्ड नेतृत्वको सरकारलाई नागरिक उन्मुक्ति पार्टीको समर्थन रहेतापनि सरकारमा चाहीँ नजाने निर्णयमा पुगेको छ । नाउपाको बटमलाइन रेशम चौधरीको रिहाई नै रहेको हुँदा सरकारमा नजाने निर्णयमा पुगेको हो । यससम्वन्धि निर्णय नाउपाले केन्द्रिय कारागार डिल्लीबजारमा गरेको थियो ।
अचम्म त यहाँ के छ भन्दा अदालतले दोषी करार गरी सकेको व्यक्ति रहेको कारागारभित्र मिटीङ गर्न दिनुलाई आश्चर्यको रुपमा चित्रण गरिएको छ । यस पार्टीको अध्यक्ष रेशम चौधरीकी श्रीमती रन्जिता चौधरी हुन् । जो अहिले प्रतिनिधि सभाको सांसद समेत हुन् । उनै रन्जिताको भनाइमा आफूहरुलाई रेशमको रिहाइका लागि पहल गर्ने आश्वासन प्रचण्डबाट आएकोले सरकारलाई समर्थन गरेको बताइन् ।
रेशम चौधरी नाउपाका संस्थापक हुन् । एमाले–माओवादी केन्द्रसहितका नयाँ सत्ता गठबन्धनको बैठक संघीय संसद भवन नयाँबानेश्वरमा बसिरहँदा नाउपाका कोहीपनि नेताहरु सहभागी भएका थिएनन् । संसदमा नाउपाको ३ सिट सुरक्षित छ ।
चर्चित टीकापुर हत्याकाण्डका मुख्य योजनाकारमध्येका एक रेशम चौधरी नै भनी दुई तहको अदालत , जिल्ला र उच्च अदालतले फैसला गरिसकेको छ । यो मुद्दा अहिले सर्वोच्च अदालतमा विचाराधीन अवस्थामा छ ।
टीकापुर हत्याकाण्डलाई मानवीय नरसंहारको रुपमा समेत चित्रण गरिने गरिएको छ । यसमा नेपाली प्रहरीका एसएसपी सेती अन्चलका प्रमुख लक्ष्मण न्यौपाने सहित ५ प्रहरी जवानहरुको मृत्यु भएको थियो । २ जना सशस्त्र प्रहरी पनि मारिएँ । यही घटनामा निर्दोष २ बर्षे टेकेन्द्र साउद नाबालक समेत मारिएका थिए ।
घटना संवत् २०७२ भाद्र ७ मा भएको थियो । घटनामा ५० बढी अन्य घाइते भएका थिए । कैलालीको टीकापुर नगरपालिकामा थरुहट समर्थक र प्रहरीबीच भाद्र ७ , २०७२ मा दिउँसो झडप भएको थियो ।
