विराटनगर, पुष ११
निरज बस्नेत
राष्ट्रिय स्वतन्त्र पार्टीका सभापति रवि लामिछाने गृह मन्त्रालय सहित उपप्रधानमन्त्रीको हैसियतमा सरकारमा सामेल भएका छन् । रविले ‘मालदार’ मन्त्रालय गृह नै रोज्नुलाई अर्थपूर्ण तरिकाले चर्चा गरिदैछ । शिक्षा तथा स्वास्थ्य जस्ताे सेवामुलक मन्त्रालय नराेजेर गृहजस्ताे ‘मालदार’ मन्त्रालय राेज्नुले रवीकाे सत्तास्वार्थ स्वभाव झल्किएकाे भन्दै समाजिक-सञ्जाल प्रयाेगकर्ताहरुले अलाेचना गरिरहेका छन् । उनकै पार्टीका केन्द्रीय सदस्य गणेश कार्किले समेत सरकारमा जानु सत्ता स्वार्थ भएकाे प्रतिक्रिया दिएका छन् ।
गृहमन्त्री भएसँगै रविले गृह मन्त्रालयमा आयोजित कार्यक्रमका बीचमा सबैभन्दा बढी काम गनुपर्ने ठाउँ भएकाले राजेको बताए । यसक्रममा निर्मला पन्तको हत्या अनुशन्धानलाई प्राथमिकतामा राखेको रविले जानकारी दिए ।
प्रचण्ड नेतृत्वको ८ सदस्यीय मन्त्रिमण्डल आज गठन भएको छ । उपप्रधानमन्त्रीमा ३ जना रहे । उपप्रधान एवं अर्थमा एमालेका विष्णु पौडेल, अर्का उपप्रधान एवं भौतिक पूर्वाधारमा माओवादीका नारायणकाजी श्रेष्ठ बने ।
मन्त्री बन्ने मा एमालेबाट दामोदर भण्डारी, ज्वालाकुमारी साह र राजेन्द्र राई रहेका छन् । त्यस्तै जनमत पार्टीका उपाध्यक्षसमेत रहेका अब्दुल खान समेत मन्त्री भए । नवनियुक्त मन्त्रीहरुको कार्यभार पछि तोकिने बताइएको छ ।
