निरज बस्नेत
विराटनगर, पुष १५
नेपाली कांग्रेस प्रदेश नं. १ संसदीय दलको नेतामा उद्दव थापा निर्वाचित भएका छन् । थापाले १८ मत ल्याई विजयी भएका छन् ।
आज विराटनगरमा सम्पन्न कांग्रेस प्रदेश १ संसदीय दलको निर्वाचनमा थापा निर्वाचित भएका हुन् । थापा प्रदेश १ कांग्रेसका सभापति समेत हुन् । विजेता थापा सिटौला पक्षका हुन् ।थापालाई भीम पराजुलीको समेत समर्थन रहेको थियो । पराजुली पनि सिटौला तर्फका नै हुन् ।
निकटतम प्रतिद्धन्दी केदार कार्कीको ९ मत आयो भने तेस्रा हुन पुगेका अमृत अर्यालको २ मत आयो । यता अर्याल संस्थापन तर्फका हुन् । कार्की डाक्टर शेखर कोइराला टिमका रुपमा चिनिन्छन् । प्रदेश १ मा कांग्रेसका २९ जना सदस्य छन् ।
