निरज बस्नेत
विराटनगर, पुष २२
अन्ततः नाम नपाएको(प्रदेश नं १ ) को मुख्यमन्त्रीमा झापाबाट प्रदेश सभामा निर्वाचित एमालेका हिक्मत कुमार कार्की नियुक्त भएका छन् । यसअघि स्थापनकालीन सरकारको रुपमा करिब ४ बर्ष एमाले नेतृत्वको सरकार रह््यो ।
जसमा कार्की तत्कालीन सरकारको आन्तरिक मामिला तथा कानुन मन्त्री रहे । सो सरकारको मुख्यमन्त्रीमा एमालेकै नेता शेरधन राई रहेका थिए । प्रदेशकै प्रभावशाली नेताको रुपमा परिचित राई एवं कार्की दुवै ३ बर्ष ७ महिना करिब सरकारमा रहँदा पनि प्रदेशलाई नाम दिन सकेका थिएनन् । अन्य ६ वटा प्रदेशले नाम राखिसकेका छन् । प्रदेश १ सरकारको नेतृत्व पूरा रुपमा एमालेले करिब करिब ४ बर्ष गर्यो । स्थापनाकालीन पूरै ५ बर्षे नेतृत्व समेत कम्युनिष्ट सरकारकै पोल्टामा नै रह्यो । लाजमर्दो विषय त , हो की प्रदेश १ सरकार यो ५ बर्षमा अन्ततः बेनाम बन्यो ।
कार्कीलाई प्रदेश प्रमुख परशुराम खापुङले आइतवार नियुक्त गरेका हुन् ।
यो बेनामको प्रदेशले आफ्नो पहिलो ५ बर्षे कार्यकालमा ३ जना मुख्यमन्त्री पाइसकेको थियो । यसपाली प्रदेशको दोस्रो कार्यकालमा झापा गौरादहका कार्की मुख्यमन्त्रीमा चयन भएका हुन् । यो सँगै कार्की यो १ नं. प्रदेशको रुपमा चौथो मुख्यमन्त्रीमा दर्ज हुनपुगेका छन् ।
कार्की अनेरास्ववियूको केन्द्रिय अध्यक्ष २०५५ सालमा भएका थिए । २०७१ सालमा सम्पन्न एमालेको नवौं राष्ट्रिय महाधिवेशनबाट कार्की केन्द्रिय कमिटीमा प्रवेश गर्न सफल भएँ ।
पार्टीको ग्राउण्ड लेवलबाट छलाङ मार्न सफल व्यक्तित्व कार्की २०७४ सालको निर्वाचनमा झापा प्रदेश सभा निर्वाचन क्षेत्र नं. ५(१) बाट प्रत्यक्ष निर्वाचित भए ।
संघमा फेरिएको सत्ता गठबन्धनसँगै २०७८ भाद्र १० गते एमालेको दशौं राष्ट्रिय महाधिवेशनबाट केन्द्रिय कमिटीमा पुनः निर्वाचित भए । अहिले एमालेको स्थायी कमिटीसदस्य तथा प्रदेश १ को सह–ईन्चार्ज भुमिकामा कार्की छन् ।
