निरज बस्नेत
विराटनगर, पुष २५
विराट गोल्डकपको छैटौं संस्करणको संयोजक विराटनगरका मेयर नागेश कोइरालालाई बनाईएको छ । साेमबार विराटनगरको होटल एयरपोर्टमा पत्रकार सम्मेलनको आयोजना गरी ट्रष्टले सो कुराको जानकारी गराएको हो ।
कार्यक्रममा ट्रष्टका अक्ष्यक्ष सन्तोष बानियाले गोल्डकप संयोजक तोकिएको पत्र कोइरालालाई हस्तान्तरण गरेका थिए । संयोजक कोइरालाले सहोदर भाई सुभाषेशलाई उप–संयोजकको जिम्मेवारी दिएको समेत सम्मेलनमा जानकारी गराए ।
गोल्डकप आगामी चैत ६ गतेदेखि १४ गतेसम्म गर्ने तयारी रहेको उप–संयोजक कोइरालाले बताए । “विराट गोल्डकपको लागी एन्फासँग चैत ६ देखि १४ सम्मको समय मागेको छौ” कोइरालाले भने “एन्फाको ग्रिन सिङ्नलको प्रतिक्षामा छौ, सिङ्नल आउने वित्तिकै हामी गाेल्डकपको तयारीमा तिब्रताको साथ जुट्छौं ।”
