निरज बस्नेत
विराटनगर, पुष २९
अमेरिका बसाईको लामो यात्रा त्यागे पश्चात् रवि लामिछाने तत्कालीन प्रधानमन्त्री केपी ओलीकै कारण चर्चित भएको घटनाक्रमले पुष्टि पनि गरेकै छ ।

तत्कालीन समयमा ओली प्रधानमन्त्री हुँदाका बखतमा कार्यक्रम सिधा कुरा प्रधानमन्त्रीसँग सरकारी टेलिभिजनबाट प्रसारण हुनु अनि यो कार्यक्रमको प्रस्तोता रवि बनिनुमा , यसलाई रविको प्रगतिको टर्निङ प्वाइन्ट मानिएको छ ।

ADVERTISEMENT

हुन त रविले त्यसअघि ६२ घण्टाभन्दा लामो टेलिभिजन टक शो चलाई वल्र्ड रेकर्ड राखेर समेत तहल्का पिटेका थिए । तरपनि यथार्थमा रविको छलाङ सिधा कुरा प्रधानमन्त्री कार्यक्रमले नै मारेको जगजाहेर छ । बादमा प्रचण्ड प्रधानमन्त्री बनेपछाडी यो कार्यक्रमबाट रविलाई निकालियो । अनि त झन् रविलाई इखालु नै बनायो । तसर्थ रविले न्यूज २४ सँगको यात्रामा सिधा कुरा जनतासँगलाई आगे लगे । र, यही कार्यक्रमले भुइँ मान्छेको पीरमर्का बुझ्दै समाधान नै गरेको धेरै घटना बन्यो ।

कार्यक्रमकै बीचमा सहकर्मी सालिकराम पुडासैनी आत्महत्या दुरुत्साहन मुद्दा रविलाई लाग्यो । न्युज २४ को कार्यालयबाटै रविलाई पक्राउ गरियो । र, चितवन पुर्याइयो । यहाँबाट त रविको लोकप्रियता पूरै उँचाइमा नै पुग्यो । सारा चितवनवासी नै रवि निर्दोष भन्दै सडकमा नै प्रदर्शनमा उत्रे । यसका कारण सरकार, न्यायमूर्ति कसैको केही सीप चलेन । फलतः रवि आत्महत्या दुरुत्साहन मुद्दामा क्लीन चिट पाई कारागार मुक्त भएँ ।

लगत्तै केही समय प्रतीक्षा गरी आफ्नै लगानीमा साझेदारसमेतको संलग्नतामा ग्यालेक्सी फोर के, टेलिभिजन खोले । र,यही ग्यालेक्सीबाटै छोटो नाम, सिधा कुरा दिई, कार्यक्रम प्रसारण गरे । यसमा रविको मन भरेन ।

लगत्तै गएको ७ असारमा राष्ट्रिय स्वतन्त्र पार्टी स्थापना आफ्नै नेतृत्वमा गरे । यही रास्वपालाई आज नेपाली जनताले प्रतिनिधि सभामा २० सांसदको गर्विलो पोजिसनमा पुर्याए ।

आज रवि यो मुलुकको उपप्रधान एवं गृहमन्त्री बन्न सफल भएका छन् ।