निरज बस्नेत
विराटनगर, माघ ४
राष्ट्रिय स्वतन्त्र पार्टीका सभापति एवं उपप्रधान तथा गृहमन्त्री रवि लामिछानेको चर्को विरोध सामाजिक संजालभरि शुरु भएको देखिन्छ ।
टेलिभिजनमा रहँदा विकृती र विसंगतिको डटेर विरोध गर्ने रवि आज सत्तामा पुगेपछि सत्तालिप्सामै केन्द्रित भएको आम बुझाई रहेको पाइएको छ ।
जुनै जोगी आएतापनि कानै चिरेका, यो उखान रविको हकमा व्यवहारतः आज लागू भएको हो की यस्तै चर्चा बजारभरि सुनिन्छ । वास्तवमै रविको अनि उनको पार्टी रास्वपाको अन्तिम लक्ष्य सत्तालिप्सा नै हो त ? यस्तै यस्तै गाइँगुइँ छ ।
नागरिताको विषयमा रविको मुद्दा अदालतमा विचाराधीन रहेकै अवस्थामा सोही मन्त्रालय गृहमा रवि मन्त्री भएर जानुलाई रहस्मय भनिएको छ ।
यता मंगलवार विस्तारित मन्त्रिमण्डलमा रास्वपाका उपसभापति डोल प्रसाद उपाध्यायलाई श्रममन्त्री बनाइनुलाई झन् अर्को रहस्यमय घटनाको रुपमा चित्रण गरिदैंछ ।
डोल प्रसाद आफै म्यानपावर व्यवसायसँग आवद्दता भएका व्यक्ति हुन् । डोललाई मन्त्री बनाइनुमा रविको एकल निर्णय भएको थियो । यस विषयमा पार्टीमा रविले कसैकोपनि राय नलिएको बुझिन्छ ।
आशा गरिएकी विद्दान डा. तोसिमा कार्कीलाई स्वास्थ्य जस्तो फूल मन्त्री नबनाएर राज्यमन्त्रीमै सिमित गरिनु रविको झन् बढ्ता गलत कदम मानिदै पार्टीभित्रै चर्को आलोचना हुदैछ ।
विगतमा टेलिभिजनमा रहँदा यति धेरै उपप्रधानमन्त्री किन चाहियो भन्दै घाँटीको नशा सुक्ने गरी चर्को स्वरमा कराउने रवि अहिले आफुसहित चारजना उपप्रधानमन्त्री भइसक्दा पनि किन चुँइक्क केही बोल्दैनन् ?
