निरज बस्नेत
विराटनगर, माघ १५
चर्चित पत्रकार ऋषि धमलाकी श्रीमती कलाकार एलिजा गौतम नागरिक उन्मुक्ति पार्टीमा प्रवेश गरेकी छिन् । समाजसेवा गर्ने हुटहुटी भित्रैदेखी पलाएका कारण आफू नाउपामा प्रवेश गरेको गौतम बताउँछिन् ।
गौतम भन्छिन्, नाउपाले बच्चादेखी लिएर जवान, वृद्द सवैलाई समेटेको कारण आफू प्रभावित भएको बताइन् । र, शिक्षा, स्वास्थ्यतर्फ राम्रै फोकस गरेको उनी बताउँछिन् ।
अनि रेशम चौधरी जस्तो राम्रो मान्छे, रेशमकै श्रीमती रन्जिता चौधरी यस पार्टीको अध्यक्ष भएकोले पनि आफुमा नाउपामा प्रवेश गरेर केही गर्नुपर्छ भनी उक्त पार्टीमा भित्रिएको एलिजाको दावी रह्यो ।
नाउपाले मधेसमा गरेको गतिविधि विगतदेखी अहिलेसम्म पोजेटिभ रहेको उनको टिप्पणी रह्यो । उद्देश्य पवित्र रहेको र अहिलेसम्म यस पार्टीले कुनै नराम्रो गरेको नसुनेको समेत एलिजा बताउँछिन् ।
नाउपामा लागेर समाजमै रहेर समाजसेवा गर्दे अगाडी बढ्ने एलिजा बताउँछिन् । एलिजा भन्छिन् आफुले पहिलादेखी नै समाजमै रहेर समाजसेवा नै गरेको समेत बताइन् ।
