निरज बस्नेत
विराटनगर, फागुन ९
कांग्रेस सभापति शेरबहादुर देउवाको नाम राष्ट्रपतिमा अहिले एकाएक चर्चामा आएको छ । एमाले अध्यक्ष केपी ओलीको समेत यसमा सहमती भइसकेको बालकोट स्रोतले जनाएको छ ।
यता प्रधानमन्त्री प्रचण्डसमेत देउवालाई नै राष्ट्रपति बनाउने कुरामा सकारात्मक नै रहेको बुझिएको छ । राष्ट्रिय सहमतिको रटान गर्दे आएका प्रचण्डलाई कांग्रेसबाटै राष्ट्रपति भयो भने प्रधानमन्त्री ५ बर्ष पूरा हुनपाउने लोभ पनि छ ।
यता कांग्रेस सभापति देउवा पत्नी डा. आरजु राणाले केही समय अगाडी रास्वपाका सभापति रवि लामिछाने र राप्रपा अध्यक्ष राजेन्द्र लिङदेनसँग गोप्य वार्ता गरेको कुरा बाहिरिएको छ ।
शेरबहादुर राष्ट्रपति बनेको खण्डमा आफू कांग्रेस सभापति बन्न पाउँछु भन्ने आश जागेको रामचन्द्र पौडेलमा देखिन्छ । यही कारण पौडेलले देउवालाई नै राष्ट्रपति बनाउनेतर्फ जोडवल गरिरहेको स्रोत दावी गर्छ ।
एमालेबाट राष्ट्रपति बन्न नदिने अडानमा प्रधानमन्त्री रहेकोले हुनसक्छ ओलीपनि बाध्यतामा परेर देउवालाई राष्ट्रपतिमा समर्थन गर्न अगिसरेका जस्तो पनि देखिन्छ ।
निर्णायक भूमिका मेजर ३ पार्टी कांंग्रेस, एमाले र माओवादी बीचको सहमती नै राष्ट्रपतिका लागि अन्तिम सहमती हुने निश्चित छ । अन्य पार्टीको हो मा हो मिलाउने र सही छाप गर्ने देखि बाहेक अरु केही देखिदैन ।
