विराटनगर, भाद्र ७

औषधीको अत्याधिक मुल्य लिई विरामी ठगी गर्ने विराटनगरको निलगौरी फार्मेसीलाई कानुनी कारवाही हुने भएको छ । उक्त फार्मेसीले एक विरामीसँग औषधीको ७ लाख भएको भन्दै ठगी गरेको समाचार बाहिर आएपछि निलगौरीको कालोकर्तुतको पर्दाफास भएको थियो ।
उक्त विषयलाई लिएर औषधी व्यवस्था विभाग, विराटनगरले निलगौरी फार्मेसीलाई कारवाही गर्ने भएको छ । विभागले दुई दिन भित्र विरामीलाई जारी गरिएको ७ लाखको बिल र सम्पूर्ण कागजपत्र लिई कार्यलयमा उपस्थित हुन फार्मेसीलाई निर्देशन दिएको छ ।
भारतको अररिया जिल्लाका बथनाहा निवासी मो. सिराज अंसारीसगँ भदौ २ गते निलगौरी फार्मेसीले औषधी खर्च बापत ७ लाख रुपैयाँ मागेको थियो । उत्ता उपाचार गरिदिने न्यूरो अस्पतालको खर्च भने ६ लाख रुपैयाँ मात्र भएको थियो । अस्पताल भन्दा औषधी खर्च बढी आएपछि आफु ठगीमा परेको भन्दै विरामीका आफन्तजनले प्रहरी, नगारिक समाज तथा पत्रकारहरुलाई सहयोग गरिदिन आग्रह गरेका थिए । हाल विरामी पक्ष डिस्चार्ज भई भारत फर्किसकेका छन् ।
पिडितपक्ष भारतिय मुलका भएकाले अनुसन्धान गर्न कठिनाई भएको विभागको भनाई छ । तथ्य सत्य पत्ता लागउन सर्वप्रमथ पिडित पक्षको खाजी गरिने विभागका सुचना अधिकारी जितेन्द्र खड्काले जनाकारी गराए ।