विराटनगर, साउन १९
अस्पतालमा कार्यरत्त एक मेडिकल अफिसरमा कोभिड १९ पोजेटिभ देखिएपछि न्युरो अस्पताल विराटनगरले तत्काललाई सबै सेवाहरु बन्द गरेको छ । अस्पतालले एक सूचना जारी गर्दै भर्ना भईसकेका विरामीलाई यथास्थितिमा राखेर नयाँ विरामी भर्ना नलिने बताएको छ ।
शुक्रबार उक्त अस्पतालको एकजना मेडिकल अफिसरमा कोरोना पोजेटिभ भेटिएपछि अस्पताल प्रशासनले तत्काललाई अस्पताल शिल गर्ने निर्णय गरेका हो । हाल अस्पतालमा कार्यरत्त स्वास्थकर्मी लगाएत ३५० कर्मचारीको स्वाब संकलन गरी परिक्षणको लागी पठाउने तयारी भईरहेको अस्पतालका निर्देशक रञ्जित बस्नेतले जानकारी दिएका छन् । त्यसका साथै अस्पतालमा उपचारत्त विरामीको समेत स्वाव संकलन गरी परिक्षणको लागी पठाउने तयारी अस्पतालले गरिरहेको छ ।
