विराटनगर ,फागुन १३
औषधी व्यवस्था विभाग कार्यालय विराटनगरका मेडिकल सुपरभाइजर सरोज सुवेदी घुस लिदालिदै रंगेहात पक्राउ परेका छन् । अख्तियार दुरुपयोग अनुसन्धान आयोग इटहरीको टोलीले उनलाई दुई लाखसहित विराटनगर ३ दुधफारमबाट रंगेहात पक्राउ गरेको हो । त्यहाको एक स्थानिय होटलमा सेवाग्राहीसँग नगद दुई लाख बुझ्दै गर्दा सुवेदी रंगेहात पक्राउ परेका हुन ।
स्रोतका अनुसार सुवेदीलाई आफ्नै कार्यलयको एक सिनियर कर्मचारीले घुस बुझ्न पठाएको बुझिएको छ । उक्त प्रकरणमा कार्यलयका सिनियर कर्मचारीहरुको संलग्नता र सन्जाल रहेको स्रोत बताउँछ ।
सो विषयमा र्कायलय प्रमुख सन्जीब कट्टेलसगँ फोन सम्पर्क गर्न खेज्दा उनीसगँ सम्पर्क हुन सकेन । यस अघि पनि विराटनगरको औषधी विक्रिवितरणमा भईरहेको विकृतिको बारे पत्रकारहरुले सम्पर्क गर्न खोज्दा कट्टेलले “कहिले काठमाडौं छु, कहिले आज व्यवस्थ छु” भन्दै टार्दै मात्र आएका थिए । त्यसर्थ विराटनगरमा भईरहेको यस प्रकारको विकृतिमा कतै हाकिमकै त हात छैन भन्ने जिज्ञासा अहिले जनमानिसमा उब्जिएको छ ।
