दिनेश खड्का
विराटगर, साउन २७
विराटनगरस्थित अटल फार्मेसीले ग्राहकसँग बढी मुल्य लिई औषधी बिक्रि गरेको पाइएको छ । सुगरको विरामीले प्रयोग गर्ने ह्युमन ईन्सुलिनमा फार्मेसीले मोटो रकम ठगी गरेकाे सहप्रमाण फेला परेको हो ।
नेपाली बजारमा ६ सय २२ रुपैयाँ पर्ने ‘ह्युमन इन्सुलिन’ फार्मेसीले ९ सय ९६ रूपैयाँ लिएर बिक्री गर्ने गरेको प्रमाण फेला परेको छ । बजार मूल्य भन्दा ३ सय ७४ रूपैयाँ बढी विरामीबाट असुली गरेको बिलसहित पब्लिक फोरमले बिहीबार वाणिज्य आपूर्ती तथा उपभोक्ता संरक्षण कार्यालयमा ठगीमा उजुरी दर्ता गराएको छ ।
उता अटल फार्मेसीले आफुबाट त्रुटी भएको बताएको छ । भारु मुल्य ठानेर १.६ गुण गरी बिल काट्दा उक्त त्रुटी हुन पुगेको फार्मेसीको जिकिर छ ।
त्यस्तै वाणिज्य आपूर्ती तथा उपभोक्ता संरक्षण कार्यालयका अधिकारीहरुले आवश्यक छानविन गरी दोषी पाईएमा फार्मेसीलाई कारवाही गर्ने वताएका छन् ।
