निरज बस्नेत
विराटनगर, फागुन १५
विराटनगरमा रहेको सिटी अस्पतालमा एक विरामी महिलाको मृत्यु भएपछि अस्पताल परिसर तनावग्रस्त भएको छ । शल्यक्रियाको क्रममा मोरङ जहँदाकी ३९ बर्षिया एक महिलाको मृत्यु भएपछि बबाल भएको छ ।
विराटनगरकै पूराना डाक्टर शितल प्रसाद यादवको लगानी रहेको अस्पताल हो यो, यही अस्पताल सोमवार रणभूमि झैं भयो । मुतकका आफन्तले शल्यक्रिया गर्दा यहाँका डाक्टरले लापर्वाही जानाजान गरेको गम्भिर आरोप लगाएका छन् ।
विगतमा पनि उक्त अस्पताल यस्तै यस्तै कारणले बदनाम बन्दै आइरहेको थियो । आज पुनः यस्तै मान्छेको ज्यान जाने घटना रिपिट भएको छ । बारम्वार अस्पतालले यस्ता घटना दाहोर्याउँने हो भने जनताले विश्वास कसरी कसलाई गर्ने ? मृत्यु भएकी विरामीको मृगौलामा पथरी रहेकाले सो को उपचारका खातिर सिटी अस्पताल ल्याइएको थियो ।
शल्यक्रिया संचालक डा. शितलकै छोरा सुनिल यादवले गरेका थिँए । घटनामा गल्ती अस्पतालको देखिएको भए पूरै असपताल नै सिल गरिनुपर्ने पीडितको माग छ । यता अप्रेशन गर्ने डाक्टर सुनिललाई यस विषयमा सम्पर्क गरी सोध्न खोज्दा उनी सम्पर्कमा आउँन चाहेनन् ।
