विराटनगर, मंसिर २२
नेपाल औषधि व्यवसायी संघ मोरङको अध्यक्षमा लक्ष्मीप्रसाद तिम्सिना निर्वाचत भएका छन् । शुक्रवार विराटनगरमा भएको प्रथम जिल्ला अधिवेशनले तिम्सिनाको अध्यक्षतामा ९ सदस्य नयाँ कार्यसमिति चयन गरेको हो ।
अर्का प्रतिष्पर्धी हरिमोहन श्रेष्ठलाई २८ मतान्तरले पराजीत गर्दै तिम्सिना अध्यक्षमा निर्वाचित भएका हुन् । मतदानमा तिम्सिनाले १ सय ८६ मत प्राप्त गरेका छन् भने श्रेष्ठले १ सय ५८ मत प्राप्त गरेका छन् । त्यस्तै अध्यक्षका अर्का प्रत्यासी यतिश श्रीवास्तवले ८६ मत प्राप्त गरेका छन् । कार्यसमितिमा निर्वािचत हुने ९ मध्ये ७ जना तिम्सिना समूहका छन् ।
तिम्सिना समूहबाट उपाध्यक्ष (देशबन्धु ढकाल), महासचिव (दिनेश ठाकुर), सचिव (हरिराज रेग्मी), सह–कोषाध्यक्ष (पुष्पराज पोखरेल) र दुई वटा सदस्य पदमा (अनिलकुमार चौधरी र प्रकाश धिमाल) विजयी भएका छन् । श्रेष्ठ समूहबाट कोषाध्यक्ष (विजयकुमार राजवंशी) र एक जना सदस्य (सरिता चौधरी) विजयी भएका छन् ।
तिम्सिनाका समूहबाट कोषाध्क्ष पदका उम्मेदवार सुदिप निरौला र सदस्य पदका उम्मेदवार जय प्रकाश राय पराजित भएका छन् ।
