विराटनगर, पुष २७
विराटनगरस्थित कोशी अस्पतालमा उपचार गराउन गएकी एक युवतीलाई स्वास्थयकर्मीले दुर्व्यवहार गरेको आरोप लागेको छ ।
कम्मर दुख्ने समस्याको उपचार गराउन आएकी किशोरीलाई एक्सरे गरिने कोठा भित्र स्वास्थ्यकर्मीले शुक्रबार दिउँसो दुर्व्यवहार गरेको युवतीको भनाई छ । कम्मर दुख्ने समस्याका कारण २४ वर्षीय ती युवती अस्पताल आएकी थिइन् । अस्पतालका चिकित्सकले तल्लो स्पाईनको एक्सरे गर्न सुझाव दिएका थिए । चिकित्सकको सुझाव अनुसार महिला अस्पताल परिसरमै रहेको एक्सरे कक्ष पुगेकी थिईन । एक्सरे गर्ने क्रममा त्यहाँ खटिएका स्वास्थ्यकर्मी युवाले दुर्व्यवहार गरेको पीडित युवतीले बताएकी छिन ।
एक्सरे गर्ने क्रममा डियुटीमा खटिएका स्वास्थयकर्मीहरुले आफुलाई पैन्ट खोल्न लगाएर दुर्व्यवहार गरेको युवतीको आरोप छ । ‘एक्सरे गर्ने क्रममा डियुटीमा रहेका बीरेन्द्र यादवले आफुलाई पैन्ट खोल्न भनेपछि आफुले ग्राउन मागेको थिए,’ ती युवतीले भनिन्, ‘रेडियोलोजी विभागमा खटिएका यादवले एक्सरे कोठामा ग्राउन नभएको भन्दै आएर पैन्ट फुत्त तानिदिए ।’ यादवले पैन्ट सार्ने निहुँमा आफुसंग दुर्व्यवहार गरेको पीडित युवतीले भनाई छ ।
अस्पतालमा रहेका प्रहरीको टोलीले यादवसहित तीन जनालाई छलफलका लागि अस्पताल प्रशासन र कोशी अस्पतलाका निमित्त मेडिकल सुपरीटेन्डेन्ट डाक्टर संगीता मिश्रा समक्ष लगेको थियो । त्यहाँ भएको छलफलको क्रममा यादवले पीडित युतवीसँग माफी र कोशीमा इन्टर्नसिप गर्न नपाउने गरि घटनाको मेलमिलाप भएको हो ।
उपचार गर्न आएको युवतीलाई दुर्व्यवहार गरेको आरोप लागेका यादव विराट मेडिकल कलेजको इन्र्टनसिप गर्न आएका विद्यार्थी हुन् । यता वीरेन्द्रले एक्सरे गर्ने क्रममा रेडियोलिजो विभागमा एप्रोन नभएकोले विरामीलाई कपडा खोलेर एक्सरे गरिने क्रममा सामान्य रुपमा कपडामा छोएको बताए । एक्सरे गर्ने क्रममा छुनु सामान्य रहेको उनको भनाई छ ।
सभार : रातोकलम डट कम

तपाईको प्रतिक्रिया