विराटनगर, चैत्र १४
कोरोनाको संक्रमणबाट बच्न स्वास्थयकर्मीलाई चाँहिने पर्सनल प्रोटेक्टीभ इक्युपमेन्ट (पीपीइ) कोशी अञ्चल अस्पताल विराटनगरमा अभाव भएको मिडियालाई जानकारी दिने स्वास्थयकर्मीलाई अस्पताल प्रशासनले स्पष्टिकरण सोधेको छ ।
बुधबार केही चिकित्क र स्वास्थ्यकर्मीले ती सामान उपलब्ध नभए उपचार गर्न नसक्ने चेतावनी दिएका थिए । उनीहरुले केही समय उपचारमा नखटिने भन्दै कामसमेत बहिष्कार गरेपछि उक्त कुरा मिडिया सार्वजनिक हुन पुगेको थियो । घटना बाहिर आएपछि प्रदेश सरकारको सामाजिक विकास मन्त्रालय र अस्पताल प्रशासनले आवश्यक सामान उपलब्ध गराउने प्रतिबद्धता जनाएको थियो ।
उक्त घटनालाई लिएर अहिले, अस्पतालमा भएको कमीकमजोरी किन मिडियामा बताएको भन्दै अस्पताल प्रशासनले आवाज उठाउने स्वास्थयकर्मीहरुलाई स्पष्टिकरण साधेको छ । चित्त बुझ्दो जफाव नदिए कारवाही गरिने अस्पताल प्रशासनले स्वास्थयकर्मीलाई धम्की समेत दिएको छ । अस्पतालका मेट्रोन मञ्जु यादवले स्पष्किटरणको पत्र लेख्दै चित्तबुझ्दो जवाफ नपठाएर प्रचलित ऐन अनुसार कारबाहि गर्ने चेतावनि दिएकि छिन् । उक्त पत्र अस्पतालको मेसु संगीता मिश्रको निर्देशनमा लेखिएको बुझिएको छ ।
स्मरण होस्, कोराना बारे पहिलो चोटी सुचना दिने डाक्टर लि विनलिइयाङलाई चाइनिज सरकारले पनि यसै गरि सत्य नबोल्न दबाब दिएको थियो । अफवा फैलाएको भन्दै पक्राउ गरी हिसासतमा राखेको थियो र पुन यो रोग बारे कसैलाई नबताउने शर्तमा उनलाई छोडिएको थियो । चाइनिज सरकारले यो सत्यलाई दवाउन नखोजेको भए सायद रोग रोगले यति ठुलो रुप लिने थिएन ।
सत्यलाई दबाउन खोज्दाको परिणाम कति खतरनाक हुन्छ भन्ने कुरा कोराना महामारीले पुष्टि गरेको छ । यो कुरा नेपाल सरकार, प्रदेश सरकारले बुझोस् र सत्यतालाई दबाउने खोज्ने अस्पतालको अधिकारीहरुलाई कारवाही गरियोस् । 
