विराटनगर, वैशाख ३
पछिल्लो समय नेपालमा सेनिटाईजर उद्योग च्याउ उम्रिए झै उम्रिएका छन् । गत वर्षको फागुन महिनासम्म नेपालमा एउटापनि स्वदेशी सेनिटाइजर उद्योग दर्ता थिएन । २०७६ चैत ९ गते नेपाल सरकारले सेनिटाइजर उत्पादन गर्ने ईच्छुकलाई अनुमति दिएपछि, नेपालका २० वटाभन्दा बढी उद्योगहरुले सेनिटाईजर बनाउने अनुमति लिएका थिए । त्यस्तो अनुमतिमा पाउनेमा साबुन, बिस्कुट र चाउचाउ बनाउने उद्योगीहरु समेत रहेका छन् ।
भारतले सेनिटाइजर एक्सर्पोट गर्न प्रतिबन्ध लगाएपछि नेपालमा सेनिटाइजरको अभाव भएको थियो । नेपालमा सेनिटाईजरको आपुर्तिलाई पुर्याउन बिना सुझबुझ सरकारले साबुन, बिस्कुट तथा चाउचाउ उत्पादकलाई समेतलाई सेजिटाईजर उत्पादन गर्ने अनुमति दिएपछि, अहिले उनीहरुले उत्पादन गर्ने सेनिटाईजरको गुणस्थरको विषयमा प्रश्न उठ्न थालेको छ ।
विषेशगरी सेनिटाईजर उत्पादन गर्ने अनुमति औषधि वा मदिरा उद्योगलाई मात्र दिदा राम्रो हुने जानकारीहरु बताउँदछन् । “कुन क्यामिकल कति मात्रमा हल्नुपर्छ र कुन क्यामकिल मनवको लागी कति हानीकरक हुन्छ भन्ने बारेमा औषधी वा मदिरा उत्पादकलाई राम्रो ज्ञान हुदछ, उनीहरुसँग यो विषयमा अनुभव पनि राम्रै हुन्छ” एक जानकारले हास्दै भने “तर चाँउचाँउ बिस्कुट र साबुन उत्पादकलाई पनि सेनिटाईजर बनाउन अनुमति दिनु हासयास्पद कुरो हो । मेडिसिन समाग्री बनाउन अनुभव नभएका यस्ता उद्योगलाई सेनिटाईजर बनाउन दिनु भनेको सिधासिधी आम नागरिकको जनस्वास्थसँग खेलवाड गर्नु हो”
भारतमा समेत मदीरा र औषधि उत्पादकलाई मात्र सेनिटाईजर उत्पादन गर्ने अनुमति दिइएको छ ।
