२४ फाल्गुण २०७७, सोमबार
Close
बिज्ञापन
कोशी अञ्चल अस्पतालमा लापरवाहीका घटना बढेको बढ्यै : मे.सु. मिश्रालाई नो चिन्ता !

Janacharcha.com शुक्रबार, बैशाख ०५, २०७७ मा प्रकाशित

 

विराटनगर, वैशाख ५
अस्पतालको नेतृत्व फितलो हुदा कोशी अञ्चल अस्पताल विराटनगरमा लापरवाहीका घटनाहरु बढ्न थालेका छन् । अस्पतालको प्रमुख रहने (मे.सु.)मेडिकल सुप्रीटेन्डेण्डमा डा. संगीता मिश्रा नियुक्ति भएसगै उक्त अस्पतालमा लापरवाही घटनाहरु बढ्न थालेका हुन् । डां मिश्रा मे.सु.मा नियुक्ति भएको ३ महिना नबत्दिै कयौं लापरवाहीको घटनाहरु बाहिर आईसकेका छन् । डा. मिश्राले कोशी अस्पतालकै छेउमा आफ्नै निजी (गेटवेल) अस्पताल समेत संचालन गरेकी छिन् । मिश्राको ध्यान आफुले जिम्मेवारी पाएको कोशी अञ्चल अस्पताललाई सुधार्नुभन्दा आफै निजी अस्पताललाई कसरी उभो लगाउने भएको हुदा अहिले कोशी अञ्चल अस्पतालको बेहाल भएको स्रोत बताउँछ ।

डा. मिश्रा मेसु नियुक्ति भएपछिको घटनाहरु
पहिलो घटना (पुष,२०७६)
एक युवति एक्स रे गराउनको लागी पुष २५ गते कोशी अञ्चल अस्पताल पुगेकी थिइन् । त्यसबेला अस्पतालको ल्याबमा खटिएका एक पुरुष स्वास्थयकर्मीले ती युवतीको शुरवाल तानिदिएर दुव्र्यवहार गरेका थिए । उक्त घटनालाई कानुनी प्रकृयामा लानुको सट्टा अस्पतालकी मे.सु. डा. मिश्राले दुवै पक्षलाई आफ्नो क्यावीनमा बोलाएर मेलमिलाप गराई दिएकि थिइन् । आशय करणीजस्तो गम्भीर मुद्दा लाग्न सक्ने उक्त घटनालाई मेलमिलाप गराउने अधिकार कानुनले कसैलाई पनि दिएको छैन् । उक्त घटनालाई मेसुले मेलमिलाप गराएपछि उनी कतै न्यायधिस त बन्न खोजेको होईन् भन्दै उनको समाजमा आलोचना समेत भएको थियो ।

दोस्रो घटना (२०७६, फागुन )
फागुन मसान्त तिर दुई जाना बिरामीहरु चेकअप गराउनको लागी कोशी अञ्चल अस्पताल पुगेका थिए । उनीहरुमा कोरानाको लक्षण देखिएपछि ति विरामीहरुलाई कोेशी अञ्चल अस्पतालले धरानस्थीत वि.पी. कोईराला स्वस्थय विज्ञान प्रतिष्ठानको आईसोलेशन वार्डमा रेफर गरिदिएको थियो ।
कोशी आस्पतालले रेफर गरेपश्च्यात कोरोना लक्षण बोकेका ती व्यक्तिहरु सार्वजनिक बस चढेर धरान पुगेका थिए । संयोगवस ति व्यक्तिहरुमा कोरोना नेगेटिभ देखियो । कथमकदाचित ती व्यक्तिहरुमा कोरोना पोजेटिभ देखिएको भए पुरै बसका यात्रुहरुलाई सक्रमण हुने जोमिख हुन्थ्यो । अस्पतालले स्थानीय प्रशासनसँग समन्वयन नगरेको काराण कोरोना लक्षण भएका ति व्यक्ति अस्पतालको हातबाट फुत्किएका थिए । अस्तालको तर्फबाट परामर्शको आभाव भएकाले बिरामीहरु सार्वजनिक बस चढेर धरान पुगेको बुझिएको छ ।

तेस्रो घटना (२०७६, चैत )
यो घटना चैत १२ गतेको हो । कोशी अञ्चल अस्पतालका स्वास्थीकर्मीहरु पर्सनल प्रोटेक्टिभ ईक्युपमेन्ट (पीपीई) नभएको भन्दै अस्पताल प्रशासन विरुद्ध आन्दोलमा उत्रिएका थिए । अन्दोलनरत्त स्वास्थयकर्मीहरुले अस्पतालमा पीपीई नभएकोले आफुहरु असुरक्षित भएको मिडियालाई जानकारी समेत गराएका थिए । अस्पताल प्रशासनले स्वास्थ्यकर्मीहरुलाई पीपीई दिने प्रतिवद्धता गर्नुको सट्टा मिडिया किन बोलेको भन्दै कारवाही गर्ने चतावनी दिएको थियो । उक्त घटनालाई लिएर समेत मे.सु. डा. संगिता मिश्रा निकै आलोचना भएको थियो ।

चौथो घटना (२०७६, चैत )
विराटनगर ६ निवासी पंकज राय पिसाब अड्किने समस्याका कारण चैत २६ गते कोशी अञ्चल अस्पताल भर्ना भएका थिए । अस्पतालमा स्वास्थकर्मीले पाईप लगाएर पिसाब गराईदिएपछि उनलाई तत्काल डिस्चार्ज गरिदिएको थियो । रायलाई पिसाब फेर्न पुनः ग्राहो भएपछि त्यसै दिन रातारात उनलाई अस्पताल ल्याईयो । रायको उपचारको क्रममा भोलीपल्ट मृत्यु भयो ।
उक्त घटनामा समेत अस्तालको हेलचक्राई र लापारवाही देखिन्छ । विरामीलाई राम्रोसँग सुपरभिजन नगरी अनुमानको भरमा डिस्चार्ज गरिनु ठिक नभएको स्यवम् चिकित्सकहरु बताउँछन् । नाम नबताउने शर्तमा एक चिकित्सकले भने “बिरामी कुनै समस्या लिएर आएपछि राम्ररी सुपरभिजन गर्नु जरुरी हुन्छ, ट्रिटमेन्ट गरिसकेपछि पुन समस्या दोहरीन्छ की दोहरिदैन अस्पतालमै राखेर अबर्जब गर्नुृपर्छ ”
त्यसबेला आलोचनाबाट जोगीन मे.सु. मिश्राले बिरामीको मृत्युको कसरी भयो भन्ने बिषयमा निश्पक्ष रुपमा छानविन हुने बताएकी थिइन् । तर हालसम्म छानबिन भने शुरु गरिएको छैन् ।
संगीता मिश्रा कोशीमा मे.सु. भएपश्च्यात उक्त केही देखाएका घटनाहरु मात्र हुन् ।

तपाईको प्रतिक्रिया

सम्बन्धित

ताजा अपडेट
शक्तिको आडमा उपभोक्ता ठग्दै दुगडको सेन्चुरी
प्रतिनिधिसभाको बैठक फागुन २६ सम्मको लागी स्थगित
आज १११ औं अन्तर्राष्ट्रिय नारी दिवस
Click Here
About Contact

COOPERATED BY:

KHEM POUDEL (JHAPA)

DINESH KHADKA (MORANG)
BHIM LAMICHHANE (BIRATNAGAR)
BATUKRAJ GIRI (KATHMANDU)

PRABIN K. GHIMIRE ( NEW DELHI, INDIA)
JANAK UPADHYAYA (ASSAM, INDIA)

CONTACT

Biratnagar -06, Morang Province 1
Mobile: 9812349000
Email: [email protected]

News-Director : Bijay Kumar Pathak

Editor : Manu Budathoki / Sushil Pokhrel

info deprt reg no. 1654/076-77

press council permit no: 362-076/077

सामाजिक संजाल