विराटनगर, असोज १२
निरज बस्नेत
विराटनगरमा नेपाल चिकित्सक संघको राष्ट्रिय सम्मेलन हुने भएको छ । नेपाल चिकित्सक संघ कोशी अंचल शाखाले मंगलबार विराटनगरस्थित एलिट क्लवको हलमा पत्रकार सम्मेलनकाे आयाेजना गरी राष्ट्रिय सम्मेलनबारे जानकारी गराएकाे छ । आउँदो फागुन १८ देखी २० गते सम्मेलन आयाेजना हुने शाखा अध्यक्ष डाक्टर फरवार्ड सिलवाले कार्यक्रममा जानिकारी दिए ।
सम्मेलनमा चिकित्सा क्षेत्र र स्वास्थ्य सेवासँग सम्वन्धित प्रख्यात व्यक्तित्वहरुको उपस्थिती रहने पत्रकार सम्मेलनमा आयाेजकले जानकारी दिए।
हेल्थ केयर एण्ड वेल विईङ करेन्ट ट्रेन्ड्स एण्ड च्यालेन्ज, भन्ने विषयवस्तु उठान गरी हुन लागेको यस सम्मेलनमा नेपालभर र विदेशवाट गरी कम्तिमा एक हजार चिकित्सकको उपस्थिती रहने बताईएकाे छ । स्वास्थ्य शिक्षा र स्वास्थ्य सेवाको हवका रुपमा विकसित हुदैं गईरहेको विराटनगरमा यो वर्ष नेपाल चिकित्सक संघको आयोजनामा हुने यस अन्तराष्ट्रिय सम्मेलनको सवैलाई प्रतीक्षा हुने छ ।
संघको २९ औं राष्ट्रिय सम्मेलन एनिमेकोन २०२३ नामाकृत यस सम्मेलनमा दर्जनौं चिकित्सकले आफूले गरेको अनुशन्धानात्मक लेखको सार विषयवस्तु प्रस्तुत गर्नेछन् । जसका लागि मूल आयोजक समिति एवं विविध उपसमितिहरु बनाईनेछ ।
