विराटनगर, मंसीर १४
निरज बस्नेत
विराटनगरमा अवस्थित कोशी अस्पतालमा अक्सर मनपरी भईनैरहन्छ । नयाँ भवनमा यस्तै लापर्वाही देखिएँको छ । यहाँस्थित अस्पतालको नयाँ भवनमा चरम बेथिती देखिएँको छ ।
सुविधासम्पन्न भवनको ठेक्का पाएँको ठेकेदार कम्पनी सम्पर्कविहीन बनिदिदा निर्माणाधीन भवन निर्माण कार्य अलपत्र परेको छ । सहरी विकास तथा भवन निर्माण विभाग संघीय आयोजना कार्यान्वयन एकाई विराटनगरले काम रोकेर लापत्ता भएको ठेकेदार कम्पनीको संझौता रद्द गरेर कारवाही प्रक्रिया अगाडी बढाउँने तयारी गरेको छ । अव, समयमा भवन नबन्ने निश्चित प्रायः छ ।
एकाईले निर्माण कम्पनीलाई ५ पटकसम्म पत्राचार गरिसक्दा समेत वेवास्ता गरेको छ । कोशी अस्पतालको नयाँ भवन निर्माणका लागि सहरी विकास तथा भवन निर्माण विभाग संघीय आयोजना कार्यान्वयन एकाई विराटनगरले ५० करोड ३४ लाख ४४ हजार ७ सय १४ रुपैंयामा ठेक्का खुलाएँको थियो ।
रमन भूमि, बि. आई. पी. एल. जेभीले ३३ करोड २२ लाख ९ सय ११ रुपैंया ३३ पैंसामा ठेक्का लिएँको हो । यस जेभीले ठेक्का प्राप्त पश्चात २०७८ असार २३ गते संघीय आयोजना कार्यान्वयन एकाईसँग संझौता गरेपछि २१ असोजमा तत्कालीन स्वास्थ्य तथा जनसंख्या राज्य मन्त्री उमेश श्रेष्ठलाई ल्याएँर शिलान्यास गरेको थिँयो । शिलान्यास गरेको ९ महिनापछि निर्माणको काम गर्दागर्दे निर्माण कम्पनीका संचालक लापत्ता छन् ।
